Ūly jeŋıstıŋ 70 jyldyq torqaly toiy merekelenıp jatqanda būl künde dünieden ötıp ketse de, taǧylymdy ǧūmyrymen ūrpaqqa ülgı bolǧan Nürken Eshojin atamdy jiı esıme alamyn. Men onyŋ şöberesımın. Eger de, ol kısınıŋ bügınde közı tırı bolsa, özı qatarlas maidangerler sapynda keudesı orden-medalǧa toly atam da jarqyrap jürer edı.
Atamyz Qorǧaljynda 1925 jyly düniege kelgen. 1943 jyly otyzynşy qaŋtarda bızdıŋ üiden, menıŋ äjemnıŋ, iaǧni, jeŋgesınıŋ qolynan äskerge alynyp, maidanǧa ketedı. Leningrad jäne Belarus maidandarynda, 219-polktyŋ atqyş-minometşısı, keiın zenitşı bolady. Vzvod komandirınıŋ orynbasarlyǧyna taǧaiyndalady.
Sūrapyl soǧystan 1948 jyly aman-esen tuǧan jerı Qorǧaljynǧa oralyp, otbasyn qūrady. Bala süiıp, soǧys zardabynan jan-jaqqa tarap ketken tuystaryn jinaidy, olardy qanatynyŋ astyna alady. Atam beibıt zamanda da köpke ülgı bolatyndai ömır sürdı. Äsırese, tyŋ köteru kezeŋınde, şaruaşylyqtyŋ bas agronomy bolyp, tuǧan jerınıŋ damuyna aitarlyqtai eŋbek sıŋıredı. Audannyŋ tūqym inspeksiiasyn köp jyl basqaryp, astyq önımderınıŋ artuyna eselı üles qosty. 1997 jyly 28 mamyrda dünieden öttı.
Qandy maidandy közımen körgen atam balalary men nemerelerıne soǧysta alǧan orden, medaldaryn, suretterın, hattaryn körsetıp, qaisysyn qai jerde alǧanyn, ne üşın bergenın äŋgımelep otyratyn.
Taiauda Reseilık «Podvig naroda» degen internet saitta, atamnyŋ bız bılmeitın eren erlıkterın oqyp, qatty tebırenıste boldym. Tıptı, soǧys kezınde marapatqa ūsynylǧan qaǧazy da saqtalǧan. Onda bylai jazylǧan:
«Aty-jönı – Eshojin Nürken, şenı – serjant, ūlty – qazaq, äskerge şaqyrylǧan jerı Qaraǧandy oblysy, Nūra audany. 1943 jyly 29 säuırde auyr jaralanǧan. Marapattary 15.02.1943 jyly «Erlıgı üşın» medalın alǧan. Nemıs-faşistık basqynşylarymen soǧysta körsetken eren erlıgı üşın «Qyzyl jūldyz» ordenıne ūsynylady: 1945 jyly 6-7 säuır künı, jaŋbyrşa jauyp tūrǧan jau oǧy astynan 13 jaraly jauyngerdı, 7 säuır künı auyr jaraqat alǧan vzvod komandirın jau oǧy astynan alyp, gospitalge jetkızgenı üşın jäne sol künı, taǧy 17 jaralanǧan jauyngerdı qūtqarǧany üşın «Qyzyl jūldyz» ordenıne laiyq dep sanaimyz». 219-minometşıler polkınıŋ komandirı: Maksimenko. 10.04.1945 j
Auyldan 18 jasynda attanyp, sūrapyl soǧysta auyr jaraqat alsa da, 20 jasynda qaita sapqa tūryp, jauyp tūrǧan oqtyŋ astynan ekı kün ışınde 31 jaraly jauyngerdı qūtqaryp, erlık körsetken. Ne degen – erjürektılık, qaitpas tabandylyq! Atamnyŋ qyzyl äsker kıtapşasyna bas qolbasşynyŋ jetı marapattau haty tırkelgen. Oǧan qosa «Qyzyl jūldyz», «Otan soǧysy» ordenderı, medaldary bar. Bız atamyzdyŋ erlıgın eşqaşan ūmytpaimyz!
Dimaş ESHOJİN
