Qoǧamdyq keŋes maqūldady
Astana qalasy Qoǧamdyq keŋesınıŋ otyrysy öttı. Jiyndy aşqan keŋes töraǧasy Sansyzbai Esılov jinalǧandardy kün tärtıbınde qaralatyn äkımdıktıŋ normativtık-qūqyqtyq aktılerınıŋ jobalarymen tanystyryp öttı.
Odan soŋ «Astana qalasy boiynşa esepteu aspaptary joq tūtynuşylar üşın elektrmen jabdyqtau, jylumen jabdyqtau, sumen jabdyqtau jäne su būru, gazben jabdyqtau boiynşa kommunaldyq körsetıletın qyzmetterdı tūtynu normalaryn bekıtu turaly» Astana qalasy äkımdıgınıŋ byltyrǧy qaulysyna özgerıster engızu jaiynda qalalyq Kommunaldyq şaruaşylyq basqarmasynyŋ basşysy Tölegen Zakarianov baiandama jasady. Keŋes müşelerı ūsynylǧan özgerısterdı tügeldei maqūldady.
Al qalalyq Jūmyspen qamtu, eŋbek jäne äleumettık qorǧau basqarmasy basşysynyŋ orynbasary Artem Abildinov jinalǧandardy «Astana qalasynda äleumettık-eŋbek salasyndaǧy memlekettık körsetıletın qyzmet reglamentterın bekıtu turaly» qaulyǧa engızıletın özgerıstermen tanystyrdy. Sondai-aq ol «Astana qalasynda äleumettık-eŋbek salasyndaǧy memlekettık körsetıletın qyzmet reglamentterın bekıtu turaly» qalalyq äkımdıktıŋ qaulysyna özgerıster engızu jobasy jönınde de baiandady. Keŋes müşelerı būl jobalardy qoldady.
Atalmyş basqarmanyŋ «Şeteldık qyzmetkerge jūmysqa ornalasuǧa jäne tiıstı äkımşılık-aumaqtaǧy eŋbekke şeteldık qol küşın tartuǧa rūqsat beru jäne ūzartu» memlekettık körsetıletın qyzmet reglamentın bekıtu jönındegı jobasyna da keŋes müşelerı kelısımderın berdı.
Meŋdolla NŪRYMŪLY