Astana qalasyndaǧy №5 emhananyŋ endokrinolog därıgerı Gülbaira Qasymova jūmystan qalt etkende qūraq körpe tıgıp, toqyma toqyǧandy, qolönermen şūǧyldanǧandy jaqsy köredı.
25 jyldyq täjıribesı bar därıger 2009 jyldan berı elordada tūrady. Onyŋ mındetı – kün saiyn qant diabetı, qalqanşa bezı, jalpy endokrindık jüienıŋ būzyluyna bailanysty aurulardy emdeu. Taŋerteŋnen keşke deiın emhanaǧa aldyn ala jazylyp kelgen 35-40 adamdy qarap, tekserıp, emın taǧaiyndaidy, dispanserlık esepte tūratyn nauqastardyŋ emıne tüzetuler engızedı, aurulardyŋ aldyn alu üşın qandai ıs-şaralar jürgızu qajettıgın tüsındıredı. Odan bölek, tırkeude tūrǧan barlyq jüktı äielderdı endokrinologiialyq tekseruden ötkızedı. Osy jūmystarynan bölek, demalysta üide qoly bosaǧanda tıgın maşinasyn qolyna alyp, süiıktı ısımen ainalysuǧa uaqyt tabady. Būl hobbiın tabys üşın emes, tek özınıŋ jan tynyştyǧy üşın jaqsy köredı. Sonda da bolsa oǧan tanystary tapsyrys berse, ädemılep körpe, jastyqtar, şymyldyqtar, toi şaşuǧa arnalǧan jastyqşalar tıgıp beredı. Onyŋ qolynan şyqqan sondai dünieler Stambulǧa, elımızde Pavlodar, Kentauǧa da ketken.
– Qūraq qūrau – qanmen, anamnyŋ sütımen berılgen öner. Anam menı osy önerge bala kezden baulydy. Jalpy öner naǧaşylarymnan da daryǧan bolar. Naǧaşy atam qaiystan, terıden aiaq kiımder tıgetın bolǧan. Mektepte jürgende özıme türlı köilekter tıgıp kiıp alatynmyn. Demalys künderı qazaqşa änderdı qosyp qoiyp, tıgın tıksem tynyǧyp qalamyn. Odan basqa anam toqyma toqudy da üirettı. Auylda jer üi bolǧasyn tekemet, alaşa, tüktı kılem toqityn edık. Qazır «hit» bolyp jatqan, toilarda şaşu retınde berıletın oiuly jastyqşalarǧa tapsyrys köp bolady. Qolönerıme bailanysty bölek käsıbım joq, tek üi jaǧdaiynda bölmemnıŋ bır būryşynda otyryp tıge beremın, – deidı önerlı därıger.
Gülbaira Äsetqyzy – bes balanyŋ anasy, ülken ūly men qyzy şaŋyraq kötergen, solardan nemere süiıp otyrǧan äje. Balalarynyŋ aldy joǧary oqu ornyn tämamdap, elıne qyzmet etıp jür. Kelın alyp, qoly ūzarǧan ana osy önerın özınıŋ ūrpaqtaryna da üiretıp, ūlttyq qolönerımızdıŋ özıne tän erekşelıkterın solardyŋ boiyna sıŋırıp ketudı qalaidy.
