Premer-ministr Asqar Maminnıŋ töraǧalyǧymen ötken Ükımet otyrysynda eldegı sanitarlyq-epidemiologiialyq ahual qaraldy. Densaulyq saqtau ministrı Aleksei Soi sanitarlyq-epidemiologiialyq jaǧdai tūraqtalǧanyn mälım ettı.
Virustyŋ reproduktivtı indeksı 0,90 qūraidy. İnfeksiialyq tösekter – 30%, reanimasiialyq tösekter 26% toly.
Bügıngı taŋda şamamen 8,5 mln adam vaksinanyŋ bırınşı komponentın, 7,7 mln-nan astam adam ekınşı komponentın aldy. Europanyŋ bırqatar elınde, sondai-aq Qazaqstanmen şekaralas memleketterde syrqattanuşylyqtyŋ ösuın eskere otyryp, Ükımet basşysy sanitarlyq talaptar şaralarynyŋ jappai saqtaluyn qamtamasyz etudı, monitoringtık toptardyŋ talaptardyŋ saqtaluyn baqylau jönındegı jūmysynyŋ tiımdılıgın küşeitudı jäne ereje būzuşylarǧa qataŋ şaralar qabyldaudy tapsyrdy.
«22 qaraşadan bastap būǧan deiın ekpe alǧan azamattardy revaksinasiialau bastalady. Osyǧan bailanysty egu punktterınıŋ, medisinalyq ūiymdardyŋ jäne medisina qyzmetkerlerınıŋ daiyndyǧyn qamtamasyz etu qajet» dedı A.Mamin.
«Revaksinasiia merzımı COVID-19 vaksinasynyŋ ekı dozasyn alǧan sätten bastap 6 aidan 9 aiǧa deiın özgeredı. Därıgerler sonymen qatar kross-vaksinasiiany, basqaşa aitqanda, vaksinanyŋ basqa türın egudı ūsynady. «Sputnik V» alǧannan keiın revaksinasiiany 9 aidan keiın jürgızu kerek, öitkenı būl – vektorlyq, küşeitılgen vaksina. Otandyq «QazVac» pen qytailyq «Vero Cell» – 6 aidan soŋ» dep naqtylady №5 qalalyq emhananyŋ bölım meŋgeruşısı Gülnar Syzdyqova.
