Keşe Tatarstannyŋ Astanadaǧy mädeni künderınıŋ aiasynda Astana qalasynyŋ äkımı İ.N. Tasmaǧambetov pen Tatarstan Respublikasynyŋ prezidentı R.N. Minnihanov kezdestı. Kezdesu barysynda ıskerlık jäne mädeni-aǧartuşylyq salalardaǧy ekı jaqty tiımdı serıktestık bailanystar talqylandy, dep habarlaidy Astana.kz caitynan.
«Tatarstan – bız üşın öte maŋyzdy serıktes. Būǧan tek halyqtarymyzdyŋ ruhani ortaq qūndylyqtary ǧana emes, sonymen qatar belgılı obektivtı faktorlar da yqpal etude» dedı öz sözınde Astana qalasynyŋ äkımı İmanǧali Tasmaǧambetov.
Öz kezegınde Tatarstan prezidentı qazaq bauyrlardyŋ qūşaq jaia qarsy alǧany üşın şeksız alǧysyn bıldırıp, qabyldauşy tarapty tek qana industriia salasynda ǧana emes, sport baǧytynda da yntymaqtastyq qūruǧa şaqyrdy.
«Bügın bızdıŋ köptegen kompaniialardyŋ basşylary kelıp otyr, olar Qazaqstanmen tyǧyz bailanys ornatqylary keledı. Ol üşın barlyq jaǧdai jasalǧan: bızdıŋ memleketterımızdıŋ basşylary jaqsy qarym-qatynasta. Qazır bızderde kedenmen eş qiyndyq joq, biznes üşın qolaily jaǧdaidyŋ barlyǧy jasaldy» dedı Tatarstan prezidentı R.N. Minnihanov.
Aita keterlıgı, bükıl Resei Federasiiasynyŋ aumaǧyndaǧy Tatarstan halqynyŋ ülesı 2,67%-dy qūraidy jäne bar bolǧany 0,4% aumaqty alyp jatyr. Osyǧan qaramastan, 2013 jyldyŋ qorytyndysy boiynşa saralap qarasaq, bükıl Reseidegı sintetikalyq kauchuk pen etilen polimerınıŋ (47,9%) jartysyna juyǧy, jük maşinalary (29,7%) men doŋǧalaqtardyŋ (28,9%) üşten bır bölıgı, sintetikalyq juǧyş zattardyŋ 11,4 paiyzy Tatarstanda şyǧarylady.
Federaldyq auqymdaǧy qūrylystardyŋ 5%-y aimaqqa salynyp jatyr. Al, auylşaruaşylyǧy önımderınıŋ jalpy somasy 160 mlrd teŋgenı qūraidy. Bır sözben aitqanda, Tatarstan Resei Federasiiasy subektılerınıŋ arasynda eŋ qarqyndy damu körsetkışterıne ie.
Keşe Astanadaǧy Tatarstannyŋ mädeni künderı aiasynda ekı jaqtyŋ ıskerlık orta ökılderı qatysqan bırqatar kezdesuler öttı. Şaraǧa Astana men Tatarstan Respublikasynyŋ öndırısterı men memlekettık mekemelerı qatysty. Forum nätijesınde bırqatar kelıssözderge qol qoiyldy, köptegen qatysuşylar özderıne serıktes tapty.
Būl jaǧynan alǧanda tatar delegasiiasynyŋ sapary aldaǧy uaqyttaǧy ekı jaqty qarym-qatynastyŋ damuyna küştı serpın berdı deuge bolady.
