QR Ūlttyq akademiialyq kıtaphanasynda II «Şäkärım oqulary» respublikalyq baiqauynyŋ qorytyndysy öttı, dep habarlaidy astana-akshamy.kz.
Ädebi baiqauǧa 2000-nan astam oquşy qatysqan. Baiqauǧa qatysuşylar – 5-8 synyp oqityn, Qazaqstannyŋ barlyq aimaǧynan kelgen kıtaphananyŋ jas oqyrmandary.
Finalǧa 17 oblystan jäne Astana men Almatydan kelgen 18 qatysuşy öttı. Jarys ekı kezeŋnen tūrdy. Bırınşısı oblys aralyq baiqau, keiın är oblystyŋ üzdıgı atanǧandar aqynnyŋ öleŋderın jatqa oqyp finalda baq synady.Sonymen qatar Şäkärım Qūdaiberdievtıŋ ömırı men şyǧarmaşylyǧyna qatysty sūraq-jauapqa qatysty.
Baiqau qorytyndysy boiynşa, bas jüldenı astanalyq 5 synyp oquşysy Edıge Kilymbekūly jeŋıp aldy, 1 oryndy Taraz qalasynyŋ 7 synyp oquşysy Ädiia Ädılahmet, 2 oryndy Batys Qazaqstan oblysynan kelgen, 8 synyp oquşysy Käusar İsliamqyzy, 3 oryndy Abai oblysynan 5 synyp oquşysy Aiaru Älıbek ielendı.
Jeŋımpazdarǧa jäne özge qatysuşylarǧa demeuşıler esebınen baǧaly syilyqtar berılse, jetekşılerı arnaiy alǧys hattarmen marapattaldy.
Baiqau balalar men jasöspırımder arasynda Şäkärım Qūdaiberdıūlynyŋ mol mūrasymen tanysyp, şyǧarmalaryn nasihattap, onyŋ tereŋ filosofiialyq eŋbekterın tüisınuge baǧyttalǧan.
