Şaǧyn jäne orta biznes Astana qalasynda qarqyndy damyp, respublika boiynşa bırınşı orynda tūr
Bügınde elordada biznes bastaimyn degen ärbır adamǧa qoldaudyŋ tür-türı bar. Qarjysy jetpei qoly bailanyp jürgenderge tömen paiyzben nesie berılse, mümkındıgı bola tūra käsıp bastauǧa täuekel ete almai jürgen jandarǧa da jol aşyq. Arnaiy treningterge qatysyp, qysqa merzımdı oqytu kurstarynan ötuge bolady. Ol üşın tek jaqsy biznes-ideiaŋyz bolsa jetıp jatyr.
Osy maqsatta Astana äkımdıgı «Biznestıŋ jol kartasy – 2020» baǧdarlamasy aiasynda nesielık jäne basqa da qarjylyq qoldaular körsetuge negızdelgen baǧdarlamalardy qolǧa alyp otyrǧany belgılı. Sonyŋ ışınde jas buynǧa qoldau baǧytynda qolǧa alynǧan «Astana-ZhasStarT» baǧdarlamasyn aituǧa bolady. Būl baǧdarlamaǧa 29 jasqa deiıngı jas käsıpkerler qatysyp, 7 paiyzdyq üstememen 20 mln teŋgege deiın nesie aluǧa bolady. Baǧdarlama barysynda negızınen franşiza tartuǧa, riteildık, iaǧni, supermarketter, gipermarketter jelılerın, qoǧamdyq tamaqtanu punktterın damytuǧa jäne modernizasiialauǧa arnalǧan jobalardy qarjylandyruǧa basymdyq berıledı. Atalmyş baǧdarlama «Bolaşaq» qauymdastyǧy men «Damu» qory arasyndaǧy arnaiy memorandum negızınde ıske asyrylyp otyr. «Biznestıŋ jol kartasy – 2020» baǧdarlamasy aiasynda qolǧa alynǧan bes-alty jyldyŋ ışınde barlyǧy 500-den astam joba maqūldandy. Tek ötken jyldyŋ özınde ǧana 11,9 mlrd teŋgenıŋ 67 jobasy qoldauǧa ie boldy. Al nesielerge jartylai kepıldık beru boiynşa jalpy kepıl somasynyŋ özı 4 mlrd teŋgege juyqtap qaldy. Onyŋ 1,1 mlrd teŋgenı qūraityn 35 jobasy byltyr maqūldandy. Sonymen qatar, künı-bügınge deiın qarjylyq kölemı 60 mln teŋge şamasynda 20 granttyq joba qabyldandy. Sonyŋ beseuı, iaǧni, 15 mln teŋgesı ötken jylǧy körsetkıştıŋ ülesınde» deidı Astana qalalyq Käsıpkerlık jäne önerkäsıp basqarmasy käsıpkerlıktı damytu bölımınıŋ bastyǧy Nūrgül Nazarova.
Ūlttyq banktıŋ mälımetterı boiynşa, 2016 jyldyŋ qaŋtar-nauryz ailarynyŋ özınde ǧana Astana qalasynyŋ ekonomikasyna dep jalpy kölemı 242,6 mlrd teŋge nesie berılıptı. Onyŋ 118,8 mlrd teŋgesı şaǧyn jäne orta biznes ökılderıne baǧyttalyp otyr.
Osyndai jan-jaqty qoldaudyŋ arqasynda elordamyzdaǧy şaǧyn jäne orta biznes nysandarynyŋ sany bırşama artyp, 105 myŋǧa juyqtap otyr. Būlardyŋ 70 myŋnan astamy – jeke käsıpker, 27 myŋy – zaŋdy tūlǧa retınde tırkelgender. Qalǧandary – jeke şarua qojalyqtary. Şaǧyn jäne orta biznes sektoryndaǧy qosymşa qūnnyŋ jiyntyq ülesı qala ekonomikasynyŋ jalpy kölemınıŋ 62 paiyzyna jetıp otyr.
Osylaişa Astana qalasy öŋırlık jalpy önımınıŋ kölemı 4 trln 560 mlrd teŋgege jetıp, ösım qarqyny boiynşa el aumaǧynda bırınşı bolyp tūr. 2020 jylǧa qarai būl körsetkış 80,5 paiyzdy qūraidy dep kütılıp otyr. Atalmyş biznes ökılderı tek ötken jyldyŋ özınde ǧana 3 215,8 mlrd teŋgenıŋ tauaryn öndırıp, qala biudjetıne 399,48 mlrd teŋge kölemınde kırıs kırgızgen. Barlyǧy 287,74 myŋ adamdy jūmyspen qamtyp otyr.
Astana qalasy käsıpkerlık jäne önerkäsıp basqarmasynyŋ mälımetıne qaraǧanda, elordada ötken jyldyŋ soŋǧy bırneşe aidyŋ özınde ǧana şaǧyn jäne orta biznes salasynda 7 myŋnan astam jūmys orny aşylǧan eken.
Bürkıt NŪRASYL
