Tärtıp saqşylarynyŋ qyzmetımen tanysty
Astana qalalyq mäslihatynyŋ kezektı sessiiasyna äzırlık aiasynda mäslihat deputattary Qazaqstan Respublikasynyŋ Işkı Ister ministrlıgı Astana qalasynyŋ jol-patruldık polisiia polkınde boldy.
Deputattar jeke qūrammen jäne qūrylymnyŋ jūmysqa qajettı zamanaui tehnikalyq jabdyqtarymen tanysyp, tärtıp qorǧau qyzmetın jaqsartuǧa qatysty ūsynystarymen tanysty.
Sonymen bırge, deputattar Esıl audanynyŋ №13 jergılıktı polisiia qyzmetınıŋ jūmys barysymen tanysty.
Qazırgı uaqytta jergılıktı polisiia qyzmetı tūrǧyndar arasynda uchaskelık poliseilerdıŋ jaǧymdy imidjın qalyptastyruǧa asa män berıp otyr. Azamattarmen senımdı qarym-qatynas ornatyp, qūqyq būzuşylyqtardyŋ aldyn alu boiynşa özderıne bekıtılgen äkımşılık uchaskelerınıŋ jūmysyn jandandyru mındettelgen. №13 polisiia uchaskesı Sauran köşesındegı 9-üi mekenjaiynda ornalasqan. 70-ten asa qyzmetkerdıŋ jartysyna juyǧy uchaskelık polisiia inspektory eken. 19 iuvenaldy jäne tabiǧat qorǧau inspektorlary da bar.
Memleket basşysynyŋ qoǧamda türlı qūqyq būzuşylyqqa «nöldık tözbeuşılık» qalyptastyru jönındegı tapsyrmasyna säikes qūqyq qorǧau inspektorlary osy qaǧidattyŋ ıske asyryluyn basty nazarda ūstap keledı. Sonyŋ nätijesınde soŋǧy bes aida
7 709 äkımşılık qūqyq būzuşylyq anyqtalǧan. Onyŋ ışınde tün tynyştyǧyn būzu, qoǧamdyq oryndarda mas küiınde jüru, arnaiy belgılenbegen oryndarda şylym tartu, ainalany lastau siiaqty ūsaq qylmystar bar.
Esıl audany aimaǧynda 14 orta bılım beru mekemesı ornalasqan. Onyŋ barlyǧyna mektep inspektorlary bekıtılgen. Tabiǧat qorǧau inspektorlarynyŋ jūmysy da jemısın berıp keledı. Üstımızdegı jyldyŋ basynan berı qorşaǧan ortanyŋ saqşylary 642 qūqyq būzuşyny anyqtai kele, äkımşılık jauapqa tartyp, 9 162 720 myŋ teŋge aiyppūl salǧan. Sondai-aq, aula tazalyǧyn qamtamasyz etpegen 31 PİK jetekşısın de äkımşılık jauapqa tartqan.
Qalanyŋ qūqyq qorǧau salasy boiynşa tolyq aqparat alǧan deputattar poliseilerdıŋ äleumettık jaǧdaiyna qatysty sūraqtaryn qoidy. Alda josparlanyp otyrǧan Astana qalasy Işkı ıster departamentı Jergılıktı polisiia qyzmetı bastyǧynyŋ esebı tyŋdalatyn kezektı sessiia otyrysynda osy salaǧa qatysty barlyq ūsynystar aitylatyn bolady.
Aigül UAISOVA