Astana qalasyndaǧy №1 qalalyq auruhanada Düniejüzılık bronhialdy astmamen küres künıne orailastyrylǧan aşyq esık künı ūiymdastyryldy.
Elordanyŋ emdeu mekemelerınde üş jyldan berı ötkızılıp kele jatqan şara barysynda astanalyq pulmonologtar men allergologtar aituly aurumen syrqattanatyn pasientterge, sondai-aq bronhialdy astmaǧa şaldyqtym dep oilaityn adamdarǧa tegın keŋester berdı. Jyl saiyn demıkpemen auyratyn qala tūrǧyndary därıgerlerden auru men ony emdeu joldary turaly qajettı aqparat alady.
– Būl şara arqyly halyqtyŋ barlyq toptaryn qamtuǧa tyrysamyz, bızdıŋ basty mındetımız – aurudyŋ aldyn alu. Keibır pasientterde bronhialdy astma emes, allergiialyq auru nemese demıkpege auysatyn astma kezdesedı. Sondyqtan profilaktika jürgızu kerek. Mūnymen qosa, şara barysynda nauqastarǧa atalǧan auruǧa şaldyqqanda özın-özı qalai ūstanu keregı turaly aqparat berıledı. Negızınen, därıgerge uaqytyly jügınıp, barlyq keŋesterdı saqtaǧan jaǧdaida, astmany retteuge bolady, – dedı Astana qalasynyŋ Salauatty ömır saltyn qalyptastyru ortalyǧynyŋ direktory Aqmaral Qūrmanbaeva.
Keşegı ötken şara barysynda 80 juyq adam konsultasiialar men joldamalar aldy. Därıgerler bronhialdy astmanyŋ qazırgı zamanǧy diagnostikasy jäne emdeu ädısterı jaily aityp berdı. Mamandar keŋes aluǧa keluşılerdı aurudyŋ aldyn alu üşın bırınşı kezekte dene şynyqtyrumen ainalysuǧa, salauatty ömır saltyn ūstanuǧa jäne dūrys tamaqtanuǧa şaqyrdy.
