Tūtas türkı düniesınıŋ qara şaŋyraǧy – Qazaqstan memleketınıŋ tarihy keibıreuler oilaǧandai täuelsızdıktı alǧan jiyrmadan asa jylmen şektelmeidı. Onyŋ bastauy sonau ärıde, saq, ǧūn zamanynda jatyr. Ol kezde qazaq degen atauymyz bolmasa da, erlık, örlık qasietterımız bızderge sol zamandaǧy ata-babalarymyzdan daryǧan. Bertın kele, HV ǧasyrda öz enşısın alyp, Kerei men Jänıbek handar Qazaq handyǧyn qūrdy. Altaidan Atyrauǧa deiıngı ūlan-ǧaiyr aumaqty alyp jatqan dalamyz qazırgıden de keŋ edı ol kezde. Ärine, bügıngı küngı elımızge tiesılı 2 724 900 şarşy şaqyrymdy az körıp otyrǧan joqpyz, jer kölemı jaǧynan älem elderı arasynda 9-şy orynda tūrmyz. Būl da – süiem jerdı bermeu üşın jaumen arpalysqan batyr babalarymyzdyŋ arqasy.
Endıgı maqsat – Mendeleev kestesınıŋ barlyq elementterı kezdesetın üstı de, asty da bai osy jerdı özımız üşın de, keler ūrpaq üşın de közdıŋ qaraşyǧyndai saqtap,
Qazaqstan halqynyŋ sanyn arttyru.
Būl jönınde Elbasy da ünemı aityp keledı. Ūlt Köşbasşysynyŋ qoiyp otyrǧan mejesı – juyq arada halqymyzdyŋ sanyn 20 millionǧa jetkızu.
Qazırdıŋ özınde elımızde tūrǧylyqty halyq sany 17 millionǧa jaqyndady. Jäne qandastarymyzdyŋ ülesı jaǧynan özge etnos-tardan alǧa şyǧyp, qazaqtardyŋ sany 65 paiyzdy qūrady. 1913 jyly ūlt ūstazy Ahmet Baitūrsynov «Älhamdulilla, alty million qazaqpyz» dese, osydan tura bır ǧasyr uaqyttan keiın 11 millionǧa jetıp otyrmyz. Ol turaly osy aptada elımızdegı BAQ-tar jar saldy. 11 millionynşy qazaq – Oŋtüstık Qazaqstan oblysynyŋ Qazyǧūrt audanynda ötken jyldyŋ 28 jeltoqsanynda düniege kelgen Mūhtar Äbdırahym degen säbi.
Özımızge jaqyn bolǧasyn qazaqtardy aityp jatyrmyz, al, negızınen, elımızde tatu-tättı 130-ǧa tarta ūlt tūrady.
Elımızdıŋ Ata Zaŋy – Konstitusiiamyzda: «Memlekettık bilıktıŋ bırden-bır bastauy – halyq» dep jazylǧan. Iаǧni, halyq bilıktı referendum nemese erkın sailau arqyly taǧaiyndaidy. Soǧan säikes bilıktıŋ jūmysy da qazaqstandyqtardyŋ tūrmysyn jaqsartuǧa baǧyttaluy şart. Būl jolda da bırqatar ıster qolǧa alyndy. Türlı baǧdarlamalar qabyldanyp, keide jyldam, keide baiau jürıp keledı. Solardyŋ bırneşeuın atap öteiık: el halqynyŋ densaulyǧyna qatysty «Salamatty Qazaqstan», halyqqa asa qajet «Qoljetımdı baspana», joǧary oqu ornyn bıtırgen jastar üşın «Diplommen – auylǧa», käsıpkerlık ıstı alǧa jyljytu üşın «Biznestıŋ jol kartasy», öndırıstı damytu maqsatynda bırneşe jyldar kölemınde jüzege asyp kele jatqan Üdemelı industriialyq-innovasiialyq damu baǧdarlamalary.
Ötken jyldyŋ soŋynda Elbasy «Qazaqstan – 2050» Strategiiasy atty eldı damytuǧa baǧyttalǧan ūzaq merzımdık baǧdarlamasyn da ūsyndy. Osynda aldaǧy on jyldyqtarǧa qatysty barlyq mäseleler qamtylǧan.
Baǧana jerımız jönınde aitqanymyzda bır maqtanuǧa tūrarlyqtai jaidy attap kettık. Bızderde nebır körkem jerler bar: Säken aitqan «Arqanyŋ kerbez, sūlu Kökşetauy», aumaǧynda tylsymǧa toly Şaitanköl ornalasqan Qarqaraly, Jasybai, Aqbetımen äigılı Baianauyl. Sonymen qosa aŋ-qūs, ösımdıkke toly qoryqtarymyz da bar.
Endeşe, ne kerek, alystan ızdemei, öz elımızden tabuǧa bolady. Olai bolsa, elımızdı maqtaiyq ta, maqtanaiyq ta jäne qolymyzdan kelgenşe onyŋ älı de örkendei tüsuıne öz ülesımızdı qosaiyq.
Amanǧali QALJANOV
