Elordada Ūlttyq bıryŋǧai testıleudıŋ qorytyndysy şyǧaryldy. Qalada ŪBT boiynşa ortaşa ball körsetkışı – 81,3. Jalpy eseptık körsetkış boiynşa Astana Almaty qalasynan keiıngı ekınşı orynda tūr. Būl turaly astana.kz saityna Astana qalasynyŋ Bılım basqarmasynan mälımdedı.
«Barlyǧy 3073 tülek täuelsız syrtqy baqylaudan ötken bolsa, test synaǧyna 84,5 paiyz tülek qatysty. Al ortaşa ball – 81,3 ball», – dedı vedomstvodan.
ŪBT synaǧynan joǧarǧy deŋgeidegı körsetkışke ie bolǧan mektepterdıŋ tızımı tömendegıdei. Eŋ joǧary ortaşa ball: «Zerde» №9 daryndy balalarǧa arnalǧan mektep – 116,09, daryndy qyz balalarǧa arnalǧan QTL -110, «Nūr Orda» QTL 106,07, daryndy er balalarǧa arnalǧan QTL 103, 13, №50 mektep-lisei 102, 53, sondai-aq, №38 mektep liseiı 102,10 ortaşa ball jinap, üzdıkterdıŋ qatarynan körındı.
ŪBT qorytyndysyna säikes №46 mektep-gimnaziiasynyŋ tülegı Aleksandra Şalagaeva men №54 mektep-liseidıŋ tülegı Laura Jauhanova eŋ joǧary 123 ball jinaǧan. Sonymen qatar, 629 qatysuşy 100-den 123-ke deiın ball jinaǧan.
Atalǧan basqarmanyŋ mälımetıne süiensek, 66 mektep bıtıruşı «Altyn belgı» üzdık attestatyn sättı qorǧap şyqqan. Jalpy bılım beretın pänder boiynşa 564 tülek qorytyndy emtihan tapsyrsa, olardyŋ 218-ı – halyqaralyq ǧylymi jobalar men olimpiadalardyŋ jeŋımpazdary. Qalǧan mektep bıtıruşıler şetelde nemese kolledjderden bılım alady. ŪBT-ǧa qatyspaǧan 3 mektep bıtıruşı keşendı testıleuge qatysatyn bolady. Al, 17 oquşy syrqatyna bailanysty qorytyndy attestattaudan bosatylǧan.
Erkejan SÄTIMBEK
