Astana künı qarsaŋynda ötkızu dästürge ainalǧan «Astana taŋdauy-2014» baiqauynyŋ soŋǧy kezeŋınde ūiymdastyruşylar taǧy bır erekşe aksiiaǧa bastamaşy boldy.
Elorda köşelerınde jüretın qoǧamdyq avtobustardyŋ bırı «Ülgılı qyzmet körsetetın ekipaj» atandy. Ol №1 avtobus parkınıŋ №10 baǧyttaǧy avtobusynyŋ jürgızuşısı byltyr ötken baiqaudyŋ jeŋımpazy Qanat Kültaev. Būl turaly astana.kz saityna «Bäiterek» halyqaralyq media ortalyǧynan habarlady.
«Qoǧamdyq kölık milliondaǧan adam tūratyn, köptegen käsıporyndar ornalasqan ülken megapolistıŋ ajyramas bölıgı bolyp tabylady.
Jolauşylar ärtürlı bolady, mınez-qūlqy da ärkelkı, köŋıl-küilerı de basqa. Bıraq bız şydamdylyq tanytamyz, avtobus salondarynda jäne qalalyq joldarda tärtıp saqtaimyz. Sonymen qatar, qalalyq bilıkke qoldau körsetkenı, jūmysymyzǧa qolaily jaǧdai jasaǧany üşın alǧys aitamyn» deidı elordalyq üzdık jürgızuşı.
«Astana taŋdauy» dästürlı baiqauynyŋ jeŋımpazdary halyq tanymyna, sondai-aq, Astana qalasy äkımınıŋ kubogyna jäne diplomyna ie bolady. Üzdık mamandar turaly derektı filmder tüsırıledı, qala köşelerınde bilbordtar ornatylady.
Eske salaiyq, ötınışterdı qabyldau 31 mamyrda aiaqtalady, al 1-20 mausym aralyǧynda Astana qalasy äkımdıgınıŋ saitynda dauys beru bastalady.
