Qazaqstan Därılık zattar men medisinalyq būiymdardy saraptau ūlttyq ortalyǧynyŋ jäne Özbekstan Därılık zattardy, medisinalyq maqsattaǧy būiymdar men medisina tehnikasyn saraptau jäne standarttau memlekettık ortalyǧynyŋ arasynda Yntymaqtastyq turaly memorandum jasalyp, qol qoiyldy.
Qol qoiu Taşkent qalasynda 21-22 qaraşa künderı Özbekstanda ötıp jatqan Qazaqstandyq medisina künderınıŋ şeŋberınde jüzege asty.
Taraptar därılık zattar, medisinalyq maqsattaǧy būiymdar men medisina tehnikasyn saraptau, standarttau jäne olardyŋ sapasyn baqylau, farmakologiialyq qadaǧalau, ǧylymi zertteuler jürgızu täjıribelerın jäne därılık zattar, medisinalyq maqsattaǧy būiymdar men medisina tehnikasynyŋ ainalymyn retteu salasynda aqparattar almasu dästürın qalyptastyruǧa kelıstı.
Qūjattarǧa respublikalardyŋ resmi ökılderı – ūiymdardyŋ bırınşı basşylary Qazaqstan Respublikasy Densaulyq saqtau ministrlıgı Tauarlar men körsetıletın qyzmetterdıŋ sapasy men qauıpsızdıgın baqylau komitetınıŋ «Därılık zattar men medisinalyq būiymdardy saraptau ūlttyq ortalyǧynyŋ» ŞJQ RMK bas direktory – basqarma töraǧasy Arnūr Nūrtaev jäne Özbekstan Respublikasynyŋ Farmasevtikalyq salany damytu agenttıgınıŋ «Därılık zattardy, medisinalyq maqsattaǧy būiymdar men medisina tehnikasyn saraptau jäne standarttau memlekettık ortalyǧy» MUK direktory Şerzod Abduganiev qol qoidy.
Özbekstandaǧy Qazaqstandyq medisina künderı – Qazaqstan men Özbekstan arasynda densaulyq saqtau salasyndaǧy yntymaqtastyqty nyǧaituǧa, ekı respublikanyŋ azamattaryna medisinalyq kömek körsetu sapasyn arttyru jäne qoljetımdılıgın qamtamasyz etu iıgılıgıne jūmsalatyn bılım men täjıribenı, innovasiialar jäne tehnologiialardy almasu maqsatynda medisinalyq ūiymdar arasyndaǧy özara bailanys aiasyn keŋeituge baǧyttalǧan ıs-şara. Maqsat märesıne jettı.
