«Astana – jaŋa qala» AEA «Led System Media» kompaniiasynyŋ aumaǧynda «EKSPO-2017» aiasynda Qazaqstan Respublikasynyŋ 2013-2017 jyldarǧa arnalǧan taza energiia közderın jasau» jönındegı ǧylymi-tehnikalyq baǧdarlamasy boiynşa jüzege asyrylyp jatqan jaŋa jobalardyŋ tanystyrylymy öttı.
Qazaqstan Respublikasy Bılım jäne ǧylym ministrlıgı qarjylandyratyn būl jobalardy «Parasat» ūlttyq ǧylymi-tehnologiialyq holdingı jüzege asyruda. Osylaişa, qazaqstandyq ǧalymdar jaŋa innovasiialyq jobalardy äzırleumen ainalysa bastady. Mamandardyŋ mälımdeuınşe, būl jaŋa, ekologiialyq taza jäne jaŋartylatyn energiia közderın aluǧa mümkındık beredı.
Atalmyş şara barysynda jaŋǧyrmaly jäne balamaly energetika, energiia ünemdeu, energiia tiımdılıgı, sondai-aq golografiia salasynda multimediiany tartu arqyly maketter men qoldanystaǧy qondyrǧylar köpşılık nazaryna ūsynyldy. Būl rette körmege qatysuşylar kün, jel jäne sutegı energetikasy boiynşa, sonymen bırge geotermaldyq sular boiynşa jüzege asyrylyp jatqan jobalarmen tanysuǧa mümkındık aldy. Atalmyş jobalardyŋ erekşelıgı: olar qalanyŋ ekologiialyq ahualyn jaqsartyp qana qoimaidy, sonymen bırge tūrǧyndardyŋ ömır süru sapasyn da arttyrady. Jobalardyŋ barlyǧy «EKSPO-2017» körmesınde köpşılık nazaryna ūsynylady.
Gülbarşyn ÖKEŞQYZY
