Bügın elordamyzda Astana qalasy äkımdıgınıŋ ūiymdastyruymen bos jūmys oryndary järmeŋkesı bolyp öttı. Järmeŋkege bılım beru mekemelerı men densaulyq saqtau ūiymdary, qūrylys kompaniialary, balabaqşalar jäne tıl kursyn üiretetın mekemeler, qonaq üi, ört söndıru qyzmetı sondai-aq, ışkı ıster organy sekıldı 30 türlı jūmys beruşı qatysyp, 300-den astam bos jūmys ornyn ūsyndy.
Astana qalasynyŋ Jūmyspen qamtu ortalyǧy mamandarynyŋ aituynşa, būl jyl basynan berı altynşy ret ūiymdastyrylyp otyrǧan şara. «Osy aralyqta barlyǧy 175 adam tūraqty jūmysqa ornalasty. Mūndai bos oryndar järmeŋkesı elordamyzda 2011 jyldan berı, iaǧni, Astana qalasynyŋ Jūmyspen qamtu ortalyǧy aşylǧan künnen bastap tūraqty türde ötkızılıp keledı. Osy aralyqta 36 bos oryndar järmeŋkesı ūiymdastyrylyp, barlyǧy 30 myŋnan astam adam jūmysqa ornalasqan. Taǧy 9,5 myŋnan astam adam käsıbi daiarlyq jäne qaita daiarlyqtan öttı» deidı Astana qalasynyŋ Jūmyspen qamtu ortalyǧynyŋ direktory Oljas Omar.
Jyl soŋyna deiın taǧy osyndai 6 bos jūmys oryndarynyŋ järmeŋkesı ötetın bolady.
Bürkıt NŪRASYL
