JASTARDYŊ KÜŞI – BILIMI MEN BIRLIGINDE
Keşe Täuelsızdık saraiynda Memleket basşysy, «Nūr Otan» partiiasynyŋ töraǧasy Nūrsūltan Nazarbaevtyŋ qatysuymen «Elbasymen bırge – jaŋa jeŋısterge!» atty jastar forumy öttı.
Elımızdıŋ bolaşaǧy – bügıngı jastar. Olar bılımdı, parasatty, otansüigış sezımın jüregıne ūialatqan azamattar bolsa, Qazaqstannyŋ keleşegı de senımdı qolda. Elbasy öskeleŋ ūrpaq aldynda täuelsızdıktıŋ qadırıne jetu, tuǧan elı men jerın süiu, tarihtan taǧylym alu mäselelerı töŋıregınde kelelı äŋgıme örbıttı.
Būl forumnyŋ maqsaty – jaŋa jahandyq jaǧdaida elımızdıŋ damuyndaǧy jastardyŋ rölın aiqyndau ekendıgın atap ötken Memleket basşysy Qazaq elınde jasalyp otyrǧan jaqsylyqtar men jetıstıkterdıŋ bärı jastardyŋ igılıgıne arnalǧanyn eske saldy. «Bız ata-babamyzdan miras bolyp qalǧan atamekenımızdı täuelsız el ettık. Tūrmysy şalqyp, tütını tüzu şyqqan baquatty memleketke ainaldyrdyq. Küllı dünie jüzı qazaq degen eldıŋ bar ekenın bıldı. Mūndai täuelsız elde ömır süru – ülken baqyt. Onyŋ qadırıne jetu – öz qoldaryŋyzda. Endıgı senderdıŋ aldaryŋda tūrǧan negızgı mındet – tūraqtylyqtyŋ tūǧyry – tatulyq pen bırlıktı tūmardai saqtau. Ol üşın ärqaisymyz, äsırese, sızder, jastar, özderıŋızge jüktelgen tarihi jauapkerşılıktı sezıne bılulerıŋız kerek. Jastar täuelsızdıktı közdıŋ qaraşyǧyndai qorǧap, eldıgımızdıŋ tūǧyryn biıktete tüsuı qajet» dedı Prezident.
Jiynǧa qatysuşylar Elbasynyŋ auzynan ūlttyq tarih qūndylyqtary jönınde de taǧylymdy äŋgıme tyŋdady. Ol qazaqtyŋ tamyry tereŋ tarihy azat el boluymyzdyŋ ırgetasy bolǧanyn atap öttı. Ūly qūndylyqtardy ūlyqtai bılu – ärbır jastyŋ, ärbır Prezidenttıŋ, barşanyŋ jauapkerşılıgı. Biyl qazaq handyǧynyŋ 550 jyldyǧy atalyp ötuınıŋ özı ülken mänge ie. Sondyqtan jas ūrpaq tarihtan taǧylym ala otyryp, öz memleketın jaqsartudy oilap, onyŋ örkendeuıne üles qosuy tiıs. Jastardyŋ ärqaisysy Qazaqstannyŋ ūlttyq ideiasy – Mäŋgılık eldı ıske asyruǧa belsene atsalysuy kerek. Ol üşın jastar jan-jaqty bılım aluǧa ūmtylǧany abzal. «Jastardyŋ küş-jıgerı – bılımı men bılıgınde, bırlıgı men otansüigıştıgınde. Osy qasietterdı boiyna jinaǧan jastary bar eldıŋ bolaşaǧy da jarqyn» dedı Nūrsūltan Nazarbaev.
Bügınde elımız älemnıŋ ozyq otyz elınıŋ qataryna qosyluǧa talpynyp otyrǧany belgılı. Būl mūratqa jetu üşın ekonomikany, innovasiialyq tehnologiiany damytudyŋ maŋyzy zor. Elbasynyŋ aituynşa, ekonomika damuy toqtaǧan kezde, memlekettiŋ alǧa jyljuy da toqtaidy. Bäsekege qabıletsız ekonomika köp ūzamai qūldyraidy. Tarih eki baǧany ǧana biledi: ne jeŋesiŋ, ne jeŋilesiŋ. Sondyqtan damyǧan elder köşınen qalmai, memleketımız alǧa damuy üşın jastar erınbei oqyp, qajyrly ärı tiımdı eŋbektenuı kerek. Ol üşın elımızde barlyq mümkındık qarastyrylǧan. Eldıŋ aldyna qoiyp otyrǧan basty mäsele de – azamattardy jūmyspen qamtu. Qalǧanyn sanaly adam özı-aq jasap alady.
Jastar forumyna elımızdıŋ tükpır-tükpırınen kelgen 2 myŋdai delegat qatysty. Olardyŋ qatarynda «Jas Otan» jastar qanaty öŋırlık filialdarynyŋ ökılderı, jastar ūiymdarynyŋ köşbasşylary, şyǧarmaşyl, ǧylymi, jūmysşy, auyl örenderınıŋ ökılderı jäne belgılı qazaqstandyq sportşylar bar.
Forum qorytyndysy boiynşa qatysuşylar Qazaqstan jastaryna arnap «Elbasymen bırge – jaŋa jetıstıkterge!» ündeuın qabyldady.
Qymbat TOQTAMŪRAT