Joǧary bılım qoljetımdı bola ma?
Är ata-ana balasynyŋ bolaşaqta eŋ aqyldy, eŋ bılımdı, eŋ tabysty bolǧanyn armandaidy. Sondyqtan osy armandy jüzege asyru üşın olar meilınşe küş salyp, qolynan kelgenın aianbaidy. Bızdıŋ elımızde balany kışkentaiynan damytyp, oǧan bılım beruge qajettınıŋ bärı bar. Memleket te azamattarynyŋ bılımdılık deŋgeiın köterıp, bılım aludy jeŋıldetetın, yntalandyratyn jaŋa joldar ūsynyp, osy baǧytta auqymdy şaralar qoldanuda.
Bügınde onyŋ nätijesı auyz toltyryp aitarlyqtai. Mäselen, BŪŪ derekterı boiynşa, soŋǧy on bes jylda Qazaqstan äldeqaida ılgerı basqan, al soŋǧy üş jylda adamnyŋ damu İndeksı jaǧynan körsetkışı joǧary elderdıŋ qatarynda. Iаǧni, halqymyzdyŋ 99,6 paiyzy – sa-uatty. Osy belgıler boiynşa, bız älemdegı 177 eldıŋ arasynda 14 – orynda, al Aziiada bırınşı orynda köş bastap tūrmyz.
Osylaişa, bügınde qazaqstandyq bılım beru halyqaralyq bılım beru keŋıstıgınde laiyqty oryn alyp keledı. Däl qazır elımız otandyq bılım beru jüiesınıŋ damu jolyndaǧy sannan sapaǧa köşetın kezektı orasan zor kezeŋge aiaq basqaly tūr. QR Prezidentı bılım berudı damytudyŋ memlekettık baǧdarlamasyn bekıtu kezınde «Ömir boiy bilim alu» ärbir qazaqstandyqtyŋ jeke ūstanymyna ainaluy tiis. Al ol üşın mektepke deiıngıden ǧylym därejesıne deiıngı bılım aludyŋ är deŋgeiı halyqqa qoljetımdı bolu qajettıgın airyqşa aityp ötken bolatyn.
Bılımnıŋ qoljetımdılıgı – onyŋ jalpy sapasynyŋ bır körsetkışı. Osyǧan orai, eldegı bılım berudıŋ sapasyn köteru üşın onyŋ qoljetımdılıgın arttyratyn qosymşa mehanizmder qajet. Jyl saiyn memleket bılım beru granttaryn köbeitıp, bılım beru kreditterınıŋ kölemın arttyru üşın jaǧdailar jasauda.
Osy rette, soŋǧy ekı jylda «Memlekettık bılım beru jinaqtau jüiesı turaly» jaŋa Zaŋ jobany daiyndau jäne talqylau boiynşa qyzu jūmys jürgızıldı. Osy jūmystardyŋ nätijesınde, 2012 jyldyŋ 13 jeltoqsanynda Qazaqstan Respublikasynyŋ Parlament Senaty atalmyş zaŋjobany qabyldady. Al, būl – jaŋa 2013 jyly qazaqstandyq azamattardyŋ öz bolaşaǧyn senımdırek josparlauǧa mümkındıgı bolady degen söz. Öitkenı, memleket bılım aluǧa qarajat jinau üşın jaǧdai jasauda, sonymen bırge mūndai salymdarǧa memlekettık syilyqaqylar bölıp olardy qūptap otyr.
Qoǧamymyzdyŋ jaŋa engızulerge saqtyqpen qaraityny belgılı. Ärine, bılım beru jinaqtau jüiesın engızu kezınde memleket halyqtyŋ oquǧa qarajat jinauǧa qarsy, jaǧymsyz, syndy közqarasyna ūşyrauy äbden mümkın. Öitkenı, qoǧamymyz üşın bılım beru salymdaryn jasap, qarajat jinau – bılım berudı qarjylandyrudyŋ taŋsyq, üirenşıksız qūraly. Äitse de, är azamat memlekettıŋ öz azamattarynyŋ laiyqty bılım aluyna asa müddelı ekendıgın bıluge tiıs.
Endeşe jaŋa jinaqtau jüiesı salym jasap, qarajat jinau arqyly jaqyn bolaşaqta oqu aqysyn töleuge qosymşa jaǧdai jasaidy jäne memlekettık granttar men bılım beru kreditterımen qatar jūmys ısteitın bolady. Jastar ärqaşan tegın bılım aluǧa ümıtker bola alady. Al, ol üşın kürdelı synaqtan jäne qataŋ baiqaudan sürınbei ötıp, erekşelıgıŋdı däleldeuge tura keledı. Būl jaŋa zaŋ talapker bılım beru grantyn ielenbegen jaǧdaida ata-anaǧa öz balasyn saqtandyruǧa mümkındık beredı. Esep-şotta jetkılıktı qarajat bolsa, qalaǧan JOO jäne mamandyqty taŋdauǧa bolady.
Memlekettık bılım beru jinaqtau jüiesı ekınşı deŋgeidegı bankter arqyly qyzmet etedı. Salymşy ūsynatyn şarttary özınıŋ qajettılıkterı men mümkındıkterıne säikes keletın banktı taŋdai alady, iaǧni, bank taŋdauda salymşyǧa tolyq erık berıledı. Qazaqstan Respublikasynyŋ kez kelgen azamaty jas erekşelıgıne qaramastan salymşy boluǧa qūqyly. Ol qatysuşy bankpen memlekettık bılım beru jinaqtau salymy turaly şart jasasyp, şot aşady. Şart balanyŋ atyna jasalady, bıraq ol salymdaǧy qarajatty jūmsauǧa qabılettı bolǧanşa onyŋ müddesıne balanyŋ ata-anasy, ne özge zaŋdy ökılderı ökıldık etedı.
Osydan keiın jinaqtaudyŋ mümkın bolatyn merzımın, boljanatyn somasyn jäne salymdardyŋ uaqytyn belgılep, esep-şotqa salym jasap tūru qajet. Salymdy aşu kezınde 3 AEK kölemınde eŋ az salym jasau qajet. Būl şamamen 5 myŋ teŋge.
Banktık salym şartynda är qatysuşy bank naryqtaǧy jaǧdai men banktıŋ saiasaty negızınde jeke ūsynatyn banktıŋ syiaqy mölşerlemesı belgılenedı. Memlekettık syilyqaqynyŋ mölşerı – 5%, basym sanatqa jatatyndarǧa – 7%. Mūndai sanatqa jetım balalar, köp balaly jäne tūrmysy tömen otbasylardaǧy balalar, mügedekter siiaqty äleumettık kömektı köbırek qajet etetın azamattar jatady. Alaida, är salymşy memleketten jylyna 100 EAK aspaityn soma aluǧa qūqyly.
Būl qor tek qana bılım aluǧa jūmsaluy mümkın. Jinalǧan qarajattyŋ basqa eşqandai maqsattarǧa paidalanyluy mümkın emes jäne keibır erekşe jaǧdailardy eseptemegende, salymşynyŋ qolyna berılmeidı. Būl jerdegı «erekşe jaǧdailar» salymşy qaza bolǧan, sot ony «habarsyz ketken», «äreketke qabıletsız» nemese «qaitys boldy» dep jariialap, tanyǧan nemese onyŋ densaulyq jaǧdaiyna bailanysty oquyn jalǧastyruǧa qabıletı bolmaǧan jaǧdailar, sondai-aq salymşynyŋ grantqa tüsuı bolyp tabylady. Salym merzımınen būryn alynatyn bolsa, nemese basqa maqsatta paidalanylsa, memlekettık syilyqaqy biudjetke qaitarylady. Iаǧni, salymşyǧa jinaǧan qarajatyn banktıŋ syiaqysymen bırge, bıraq memlekettık syilyqaqysyz aluyna bolady.
Eger jinalǧan qarajat oqudyŋ aqysyn töleuge jetkılıksız bolǧan jaǧdaida salymşy ekınşı deŋgeidegı bankten memlekettıŋ jüzpaiyzdyq kepıldıgımen jetpei tūrǧan somaǧa bılım beru kreditın resımdei alady.
Būǧan qosa, salymşylarǧa salyq jeŋıldıkterı retınde, salymdar boiynşa memlekettık syilyqaqylar jeke tabys salyǧynan bosatylady. Sonymen qatar, bılım beru jinaqtau salymdary depozitterdı mındettı kepıldendıru nysany bolyp tabylady, sondyqtan qatysuşy bank mäjbürlep taratylǧan jaǧdaida, salymşy 5 mln. teŋge şamasynda kepıldıktı ötemaqy aluǧa qūqyly.
Memlekettık qoldaudyŋ nätijelılıgı men jüzege asyryluy köptegen jaǧdaida qoǧamymyzdyŋ sanalylyǧyna, iaǧni, qazırgı zamanda barlyq jerde, onyŋ ışınde bılım berude de bäsekelestıktıŋ baryn tüsınu daiyndyǧyna bailanysty. Osyǧan orai, otbasylyq josparlaudyŋ basym bölıkterınıŋ bırı retınde balalarynyŋ bılım aluyna salym jasaudyŋ maŋyzdylyǧyn jäne olardyŋ da öz balasyn joǧary bılımmen qamtamasyz etuge memleketpen bırdei jauapty ekenın, sondai-aq, memlekettıŋ osy üşın jasap otyrǧan mümkındıkterın paidalanudyŋ artyqşylyqtaryn ūǧynǧandary jön.
Qarajat jinau, grantqa tüsu, bılım beru kreditın alu nemese oqudy öz qarajatynan töleu siiaqty bılım aludyŋ qandai ädısın taŋdaitynyn halyq özı şeşedı. Al, Bılım jäne ǧylym ministrlıgınıŋ eŋ negızgı jūmysy alda, ol – jaŋa salymdar jüiesın ıske qosyp, onyŋ tolyq qyzmetın qamtamasyz etu.
Äliia OMAROVA,
«Qarjy ortalyǧy» AQ