JOL-JÖNEKEI QABYLDAU JÜIESI
Astana jol-patruldık polisiialary halyqtyŋ özderıne degen senımın arttyryp, jūmystaryn jetıldıre tüsu üşın «Jol üstındegı qabyldau» aksiiasyn ūiymdastyrdy. Jūrtşylyq köp jinalatyn arnaiy mamandandyrylǧan halyqqa qyzmet körsetu ortalyǧynda, üş audannyŋ ışkı ıster mekemelerı men avtobus parkterınde ötken şarada jol qauıpsızdıgı men erejelerı, jürgızuşılerdıŋ qūqylary men mındetterı, qūqyq salasyndaǧy tyŋ täsılderdıŋ bärı qamtyldy.
«Jol üstındegı baqylau» degen jazuy bar avtobustardyŋ bır bölıgı Qaraǧandy baǧytyndaǧy «Qyzyljar» beketın betke aldy. Dıttegen jerıne jetken Astana qalasy Işkı ıster departamentı äkımşılık polisiia basqarmasynyŋ qyzmetkerlerı jol boiynda
tūrǧyndardy tolǧandyrǧan saualdarǧa jauap berdı. Arnaiy jabdyqtalǧan avtobusqa qyzyǧuşylyq tanytyp, toqtaǧan kölık jürgızuşılerınıŋ negızgı sūraǧy qauıpsızdık beldıkterı men 12 jasqa deiıngı balalarǧa arnalǧan avtokreslo töŋıregınde örbıdı. Älı künge «ystyq-suyǧy» basylmaǧan būl mäselege qatysty jürgızuşılerdıŋ pıkırı ärtürlı ekenın baiqadyq. Jol polisiialary jaŋa ereje eŋ aldymen jolauşylardyŋ, äsırese, kışkentai balalardyŋ qauıpsızdıgın qamtamasyz etudı közdeitının tüsındırdı.
Kölıktı qatty aidaǧandy jaqsy köretın keibır jürgızuşıler qalanyŋ taǧy qai jerınde jyldamdyqty ölşeitın jaŋa qūrylǧylar ornatylatynyn sūrastyryp jatty.
Aksiia barysynda jol polisiialarynyŋ zaŋdy qanşalyqty saqtaityny jönınde tūrǧyndar arasynda saualdama jürgızıldı. Oǧan 200-den astam adam qatysyp, öz pıkırlerın bıldırdı.
Astana qalasy Işkı ıster departamentı äkımşılık polisiia basqarmasy basşysynyŋ orynbasary Eljan Chupekovtyŋ aituynşa, mūndai aksiia jyl saiyn ötkızıledı. Sebebı, «Jol üstındegı qabyldau» barysynda jol-patrul polisiialarynyŋ jūmysyndaǧy kemşın tūstar aiqyndalyp, ony tüzetudıŋ mümkındıkterı arta tüsedı.
Qymbat TOQTAMŪRAT