1 qyrküiektegı jaǧdai boiynşa 451,6 myŋ adam «Eŋbek» memlekettık baǧdarlamasyna qatysqan. 328,5 myŋ adam jūmysqa ornalastyryldy, onyŋ 200,7 myŋy tūraqty jūmysqa tūrdy.
Baǧdarlamanyŋ bırınşı baǧyty aiasynda qysqamerzımdı kurstarǧa 15,2 myŋ adam jıberıldı. 5,5 myŋnan astam adam öz ısın aşu üşın jeŋıldıktı mikrokreditter, al 20200 adam qaitarymsyz memlekettık granttar aldy.
Subsidiialanatyn jūmys oryndaryna 155,7 myŋ adam jūmysqa ornalastyryldy, onyŋ ışınde: äleumettık jūmys oryndaryna – 16,6 myŋ adam, jastar praktikasyna – 21,4 myŋ adam, qoǧamdyq jūmystarǧa – 117,4 myŋ adam.
Eŋbek resurstarynyŋ ūtqyrlyǧy şeŋberınde 1342 otbasy nemese 4571 adam qonys audardy, onyŋ ışınde 1952 adam eŋbekke qabılettı jasta. Onyŋ ışınde 1329 adam jaŋa tūrǧylyqty jerınde tūraqty jūmysqa ornalastyryldy jäne 111 adam käsıpkerlık qyzmetpen ainalysady, 5 adam oquǧa jıberıldı.
Esterıŋızge sala keteiık, 2020 jyly «Eŋbek» memlekettık baǧdarlamasyna 649 myŋ adam qatysty. 437,3 myŋ adam jūmysqa ornalastyryldy, onyŋ 319,2 myŋy tūraqty jūmysqa tūrdy. Jappai käsıpkerlıktı damytuǧa 12,7 myŋ mikrokredit jäne jaŋa biznes-ideialardy ıske asyruǧa 44,9 myŋ qaitarymsyz memlekettık grant berıldı.
Qysqamerzımdı oqytu kurstaryna 18,7 myŋ adam jıberıldı, al tehnikalyq jäne käsıptık bılım beru ūiymdarynda oqytumen 18,4 myŋ adam qamtyldy.
Būdan basqa, eŋbek resurstarynyŋ ūtqyrlyǧyn arttyru şeŋberınde jūmys küşı artyq öŋırlerden qūramynda 5,8 myŋ adam bar 1,8 myŋ otbasy qonys audardy.
