Астананың «Барысы» сырт алаңда Минскінің «Динамо» командасымен кездесті.
Құрлықтық хоккей лигасы аясында өткен ойын астаналықтардың басымдығымен аяқталды. «Барыс» бара салып, алғашқы кезеңде бірден топырлатып үш шайба салды. Бұдан кейін артық соға алмағанымен, жеңісті есепті ұстап қала алды. Соңғы кезеңде «Динамо» екі гол соққанымен, таразы басын теңестіруге шамалары келмеді. Сөйтіп «Барыс» турнир кестесінде ұпайын 35-ке жеткізді.
