ҚОНЫСТОЙ КӨБЕЙЕДІ
Елордада алдағы 5 жылдың ішінде жалпы көлемі 386 мың шаршы метрді құрайтын 7500-ге жуық пәтер тапсырылмақ.
Келешекте тапсырылатын тұрғын үйлердің ішінде арендалық баспана – 60 мың м2 (немесе 1 403 пәтер), несиеге берілетін баспана – 146 мың м2 (2 942 пәтер), «Тұрғын үй құрылыс жинақ банкі» есебінен – 99 мың м2 (1 705 пәтер) және жергілікті бюджет қаржысын қайталап пайдалану есебінен – 80 мың м2 (1 422 пәтер).
Астана қаласы әкімдігінің ресми сайтындағы мәліметке сүйенсек, 19 жылдың ішінде елордада 17 млн шаршы метр тұрғын үй пайдалануға берілген. Биыл тағы 2 миллион шаршы метрден астам баспананы беру жоспарланып отыр.
Сондай-ақ, 2017-2022 жылдар аралығында Астана қаласында апатты үйлерді бұзу бойынша пилоттық жобаны іске асыру шеңберінде 635 мың м2 тұрғын үй пайдалануға беріледі, бұл – 10 000-нан астам пәтер.
Баспаналарды пайдалануға беру Мемлекет басшысының тапсырмасымен қолға алынған мемлекеттік бағдарламалар аясында жүзеге асырылып отыр.