Міне, Астананың күзі осындай. Сарғайған жапырақтар сананы мұңға бөлегенімен, салқын самал желі шаттық лебін себеді.
Қазанның көркем сүгіретімен айшықталған Сарыарқаның дархан даласының төсіне қона қалған самала шаһардың тұрғындарының көңілдері көк жайлау болып жүретіндері де сондықтан-ау, сірə!
Сіз де айналаңызға көз салыңызшы! Рас, кешегі жадыраған жаздың қабағынан кішкене де белгі жоқ. Есесіне ескілеу тартқан естелікті сағындыратын өзгеше бір сарын бар, саз бар. Бұл – тек Астанаға тəн сарын мен саз. Рас, сол көктемнің жаймашуақ күні көрінбейді. Бірақ тек астаналықтарға ғана бұйырған тəтті бір үміт бар. Иə, əлгі үміт қой əрқайсымызды күз таңымен бірге күндей жарқын істерге жетелейтін.
Рас, ызғарлы қыстың кіршіксіз аққа оранған табиғаты жоқ қазір. Алайда, бірде күрең, бірде сары, бірде қоңыр күздің саналуан кейпі сізді бəрібір ғашық қылып қояды. Айналаңызға ғашық қылады! Адамдарға ғашық боласыз! Ғаламат емес пе? ..
Асхат РАЙҚҰЛ
