Астанада жол ережесін бұзатын жаяу жүргіншілерді тәртіпке шақыру бойынша рейд жүргізілді.
Астана қаласының Әкімшілік полициясы ұйымдастырған шара барысында 120 тәртіп бұзушы анықталды. Олардың көпшілігі әкімшілік жауапкершілікке тартылды. Сонымен қатар, қауіпсіздік ережесін бұзушылардың бәрімен жолдың тыйым салынған бөлігінен және бағдаршамның қызыл шамына өтуге болмайтыны туралы әңгімелер жүргізілді. Жол ережесін бұзу негізінен сауда орындарына жақын жол бөліктерінде орын алатыны анықталған. Жалпы биылғы жылдың басынан бері қалада жаяу жүргіншілердің кінәсінен 46 жол-көлік оқиғасы тіркеліпті. Орын алған жағдайға байланысты полиция қызметкерлері осындай рейдтерді жиі өткізуді жоспарлап отыр.
