Кеше елордада журналистердің алғашқы аллеясы ашылды.
Онда Қазақстан құрылысшылары одағының шақыртуымен 14 БАҚ-тан келген 40-тан астам журналист шырша отырғызды. Салтанатты шара барысында Қазақстан құрылысшылары одағының төрағасы Талғат Ерғалиев журналистерге қарата айтқан сөзінде:
– Журналистерге арналған аллея елорда ғана емес, Қазақстан бойынша алғаш рет ашылып отыр. Осы жерде әріптестеріңізбен кездесіп, әңгімелесулеріңізге болады. Кәсіби мерекелеріңіз қарсаңында сіздерге арнап осындай аллея ашуды жөн санадық, – деді.
Аллеяда арнайы тапсырыспен жасалған күрке мен орындықтар бар.
