اقمولا قالالىق باسقارۋ جانە دۋما عيماراتى – بۇگىنگە دەيىن ساقتالىپ كەلگەن تاريحي جادىگەردىڭ ءبىرى.
ول وسىدان 130 جىل بۇرىنعى قالپىنان كوپ وزگەرە قويعان جوق. مۇندا قازىر م.گوركي اتىنداعى ورىس دراما تەاترى ورنالاسقان. 1890 جىلداردىڭ باسىندا تاستان ادەمىلەنىپ سالىنعان ءبىر قاباتتى ءۇي-جاي و باستا اقمولا شاھارىنىڭ ساياسي, قوعامدىق جانە شارۋاشىلىق باسقارۋ اكىمشىلىگى عيماراتى رەتىندە پايدالانىلعان. ودان كەيىن مۇنى ءار جىلداردا ءارتۇرلى مەكەمە مەكەندەدى.
2003 جىلى عيماراتتىڭ سىرتىنا كۇردەلى جوندەۋ جۇرگىزىلىپ, تۇگەل قايتا جاڭارتىلدى.
