تسەلينوگراد قالاسى. 1985 جىلدىڭ شىلدە ايى. بايىرعى قالا تۇرعىنى ۆالەري كيتسەنكو قىزى ناتاشامەن بىرگە سۋعا شومىلۋعا ەسىل وزەنىندەگى جاعاجايعا كەلىپتى.
وسى كەزدە ەلمەن بىرگە ىستىقتان قورعانىپ, سۋعا شومىلىپ جاتقان ولاردى كۇيەۋ بالاسى يگور كوپىردىڭ ۇستىندە تۇرىپ سۋرەتكە ءتۇسىرىپ الىپتى.
– بۇل ەندى بالالاردىڭ جاز بويى سۋعا ءتۇسىپ, كۇنگە كۇيىپ, وينايتىن شاھارداعى جالعىز ورنى ەدى. سوندىقتان ءبىز ونى «بالالار جاعاجايى» دەپ اتايتىنبىز, – دەپ ەسكە الادى ۆالەري سەرگەەۆيچ.
قازىر, ارينە, زامان وزگەردى. استانا قالاسىندا رۇقسات ەتىلگەن ءۇش جاعاجاي بار. بىراق ولارعا كىرۋ اقىلى بولعاندىقتان, بالالار تەك اتا-اناسىمەن نەمەسە ۇلكەندەرگە ىلەسىپ كەلىپ شومىلا الادى.
