1963 جىلدىڭ قىركۇيەك ايى. تسەلينوگراد قالاسىنداعى تىڭ يگەرۋشىلەر سارايىنىڭ قۇرىلىسى ءجۇرىپ جاتقان كەز. بايىرعى قالا تۇرعىنى ۆالەري كيتسەنكونىڭ ايتۋىنشا, بۇل سارايدىڭ ىشكى ارلەۋ-اجارلاۋ جۇمىسىنىڭ اياقتالار تۇسى بولسا كەرەك.
«مەن ول كەزدە 13 جاسار ءجاسوسپىرىم ەدىم. كۇندە ساباقتان قايتقاندا وسى كوزدىڭ جاۋىن الاتىن ءساندى عيماراتتىڭ قاسىنان وتەمىز. ءبىز ونىڭ بولاشاقتا شاھارداعى ەڭ ۇلكەن مادەني ورتالىق بولاتىنىن بىلەمىز. سوندىقتان بالالىق قىزىعۋشىلىعىمىز ويانىپ, كەيدە تەرەزەدەن قۇرىلىستىڭ ىشىنە دە ءۇڭىلىپ وتەمىز. سول كەزدە قۇرىلىسشى اعايلار بىزگە «جاقىندا اشىلادى, سوندا كورەسىڭدەر, قازىر اۋلاق جۇرىڭدەر» دەپ ۇرىسىپ تاستايتىن. ايتقانداي, كوپشىلىك اسىعا كۇتكەن تىڭ يگەرۋشىلەر سارايى عيماراتى سول جىلى, دالىرەك ايتقاندا, 1963 جىلدىڭ قاراشا ايىندا پايدالانۋعا بەرىلدى» دەپ ەسكە الادى ول.
