استانانىڭ م.اۋەزوۆ اتىنداعى ورتالىق قالالىق كىتاپحانادا زاڭعار جازۋشى مۇحتار اۋەزوۆتiڭ تۋعانىنا 125 جىل تولۋىنا وراي «كiتاپ وقيتىن ەل» مەملەكەتتiك باعدارلاماسى اياسىندا جازۋشىنىڭ نەگiزگi شىعارمالارىن جاستار اراسىندا ناسيحاتتاۋ ماقساتىندا «مۇحتار مۇراسى – حالىق قازىناسى» تاقىرىبىندا دونگەلەك ۇستەلى ءماجىلىسى ءوتتى.
ءىس-شارانى قالانىڭ ورتالىقتاندىرىلعان كىتاپحانالار جۇيەسىنىڭ ديرەكتورى گۇلبادان مادىباەۆا اشىپ, الەمنىڭ اۋەزوۆى جايلى ءسوز ساباقتادى. ل.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ پروفەسسورى, فيلولوگيا عىلىمدارىنىڭ دوكتورى راقىمجان تۇرىسبەك, «Polska jebnosc» ۇيىمىنىڭ ۆيتسە-پرەزيدەنتى رينات دۋسۋموۆ, №71 مەكتەپ-ليتسەيىنىڭ قازاق ءتىلى مەن ادەبيەتى مۇعالiمi اقبوپە قاسىموۆا ءماندى دە ماعىنالى ءسوز ءوربىتتى. «م.اۋەزوۆ – ۇلىلىقتىڭ ۇلگiسi», «م.اۋەزوۆ – الەم ادەبيەتى مويىنداعان تۇلعا» تاقىرىپتارىندا باياندامالار وقىلىپ, پiكiرلەر تىندالدى.
جازۋشىعا تالاي اقىندار جىر ارناعان. قاتىسۋشىلار قاسىم امانجولوۆتىڭ «مۇحتار اعا», جاراسقان ءابدىراشۇلىنىڭ «تاريحى زاڭى», راسۋل گامزاتوۆتىڭ «مۇحتار اعا» ارناۋلارىن وقىدى. №71 مەكتەپ-ليتسەي وقۋشىلارى مەن ل.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ ستۋدەنتتەرi «ەڭلىك-كەبەك» پەساسىنان ءۇزiندى كورسەتتi. بەكزات سماعۇل «سەگىز اياق» ءانiن ورىنداسا, ابزال ماقاش, ارمانبەك جاكەيحان, ادەمى پىسپەكباەۆا ونەرلەرىن كورسەتتى. «اۋەزوۆ الەمى» تاقىرىبىنداعى كورمەگە جالپى شولۋ جاسالدى.
