ەلوردادا استانا قالاسى اكىمدىگىنىڭ قولداۋىمەن «Wir sind zusammen – ءبىز بىرگەمىز» اتاۋىمەن نەمىس مادەنيەتىنىڭ رەسپۋبليكالىق فەستيۆالى ءوتتى. ەكى كۇنگە جالعاسقان ءىس-شارا ە.راحماديەۆ اتىنداعى مەملەكەتتىك اكادەميالىق فيلارمونيا زالىندا وتكەن گالا-كونتسەرتپەن جابىلدى.
فەستيۆالدىڭ اشىلۋ سالتاناتىنا استانا قالاسى اكىمىنىڭ ورىنباسارى ەسەت بايكەن, پارلامەنت سەناتىنىڭ دەپۋتاتى ەۆگەني بولگەرت, گەرمانيانىڭ قازاقستانداعى ەلشىلىگىنىڭ وكىلدەرى, قازاقستان حالقى اسسامبلەياسى توراعاسىنىڭ ورىنباسارى مارات ءازىلحانوۆ, استانا قالاسى ىشكى ساياسات باسقارماسىنىڭ باسشىسى داۋرەن بابامۇراتوۆ قاتىستى.
فەستيۆالدى «نەمىس رەنەسسانسى» قوعامى ۇيىمداستىردى. ونىڭ بارىسىندا شەبەرلىك ساباقتارى مەن كورمەلەر, قىزىقتى كۆەستەر, فلەشموبتار, كوڭىلدى كونكۋرستار, جارمەڭكەلەر, باسقا دا شارالار ۇيىمداستىرىلدى. قوناقتار قولدانبالى ونەرمەن, نەمىس اسحاناسىمەن, نەمىس ءۇيىنىڭ ينتەرەرىمەن تانىستى.
