جاقىندا ەلوردانىڭ بىرقاتار ساياباقتارى مەن قوعامدىق كەڭىستىكتەرىن ارالاعان قالا اكىمى جەڭىس قاسىمبەك بۇل ورىنداردا رەۆيزيا جۇرگىزىلەتىنىن ايتتى.
ونىڭ ايتۋىنشا, ساياباقتاردا سىنعان ورىندار, قۋراعان اعاشتار بار, سۋارۋ جۇيەسى بارلىق جەردە دۇرىس جۇمىس ىستەمەيدى جانە تاعى باسقا كەمشىلىكتەر جەتكىلىكتى.
– ارىپتەستەرىممەن بىرگە بىرقاتار ساياباقتار مەن قوعامدىق كەڭىستىكتەردى, ونىڭ ىشىندە كوكتال ەلدى مەكەنىندەگى ساياباقتى, ورتالىق ساياباقتى, ق.قۋانىشباەۆ اتىنداعى مۋزىكالىق-دراما تەاترىنىڭ ىرگەلەس اۋماعىن ارالاپ شىقتىق. سونداي-اق اقبۇلاق وزەنىن تازارتۋ بويىنشا جۇمىس جوسپارى تالقىلاندى. قالانى كوگالداندىرۋ بويىنشا اۋقىمدى جۇمىس جۇرگىزىپ جاتىرمىز. ماسەلەن, كورىكتى ورىندار مەن مادەني نىساندارعا ىرگەلەس اۋماقتاردى دا كوگالداندىرامىز. الايدا مەردىگەرلەردىڭ ءبارى بىردەي جاۋاپكەرشىلىگىن سەزىنە بەرمەيدى. مۋزىكالىق دراما تەاترى جانىندا قوعامدىق كەڭىستىك سالىپ جاتىرمىز. قازىر اعاش وتىرعىزۋ جۇمىسىندا كەمشىلىكتەر بار. بۇل پروبلەمانى جاقىن ارادا رەتكە كەلتىرۋدى تاپسىردىم, – دەدى قالا اكىمى.
الداعى ۋاقىتتا قالادا قولدانىستاعى ساياباقتار مەن قوعامدىق كەڭىستىكتەرگە كوڭىل ءبولىنىپ قانا قويماي, جاڭا اۋلالار مەن قوعامدىق كەڭىستىكتەر, گۇلزارلار مەن جەلەكجولدار سالىنادى. بۇل ەلوردا تۇرعىندارى مەن قوناقتارىنىڭ بوس ۋاقىتىن اشىق اسپان استىندا پايدالى وتكىزۋىنە سەپتىگىن تيگىزەدى.
