Amanat پارتياسىنىڭ ەلوردالىق ماسليحاتتاعى فراكتسياسىنىڭ استانا قالاسى بويىنشا سايلاۋالدى باعدارلامانى ىسكە اسىرۋ بويىنشا جول كارتاسىن تالقىلاۋ جينالىسى وتكىزىلدى.
– Amanat پارتياسى ەلوردالىق فيليالىنىڭ سايلاۋالدى باعدارلاماسىن ىسكە اسىرۋعا ارنالعان جول كارتاسىن قاراستىردىق. باعدارلامالىق قۇجات ەلوردا تۇرعىندارىنىڭ ءومىر ءسۇرۋ دەڭگەيىن ارتتىرۋدى كوزدەيدى, – دەدى Amanat پارتياسى ساياسي كەڭەسىنىڭ مۇشەسى جانە استانا قالاسى ءماسليحاتىنىڭ توراعاسى ەرلان كاناليموۆ.
16 باسىم باعىت بويىنشا 110 مىندەتتى جۇزەگە اسىرۋ كوزدەلگەن. قاراستىرىلعان جول كارتاسى استانا قالاسى تۇرعىندارىنىڭ ماڭىزدى ماسەلەلەرىن شەشۋگە ارنالعان ۇلكەن تەتىك بولماق. ناقتى اتاپ ايتسام, باعدارلامادا ءبىلىم بەرۋ جانە دەنساۋلىق ساقتاۋ وبەكتىلەرىن سالۋ, الەۋمەتتىك سالا, قوعامدىق كەڭىستىكتەر مەن اۋلالاردى دامىتۋ, ەكولوگيا, قوعامدىق قاۋىپسىزدىك ماسەلەلەرىنە باسىمدىق بەرىلدى. ءاربىر باعىت بويىنشا مەملەكەتتىك ورگاندار باسشىلارىنىڭ, سونداي-اق, پارتيا مۇشەلەرىنىڭ قاتارىنان مەرزىمدەر مەن مىندەتتەردىڭ ورىندالۋىنا جاۋاپتى تۇلعالار بەكىتىلدى. Amanat پارتياسى سايلاۋالدى باعدارلاماسىنىڭ جول كارتاسىن ىسكە اسىرۋ ماسەلەسى ەلوردالىق ءماسليحات دەپۋتاتتارىنىڭ تۇراقتى باقىلاۋىندا بولادى.
