قازاق ونەرىنەن سىر شەرتەدى
ل.گۋميلەۆ اتىنداعى ەۋرازيا ۇلتتىق ۋنيۆەرسيتەتىندە پەداگوگيكا عىلىمدارىنىڭ دوكتورى, پروفەسسور, قازاقستان رەسپۋبليكاسىنىڭ ەڭبەك سىڭىرگەن قايراتكەرى تىلەۋعالي قىشقاشبايدىڭ «قازاق ونەر الەمى» اتتى كىتابىنىڭ تانىستىرىلىمى ءوتتى.
جيىن عىلىم جانە جوعارى ءبىلىم ءمينيسترى ساياسات نۇربەكتىڭ قۇتتىقتاۋىمەن اشىلدى. ءمينيستردىڭ قۇتتىقتاۋىندا سيمفونيا جانرىندا قالام تارتقان كومپوزيتور رەتىندە اتاعى ەلىمىزگە تانىلعان تىلەۋعالي قىشقاشبايدىڭ ەلەۋلى ەڭبەگى, وتاندىق مۋزىكا ونەرى مايتالماندارىن تاربيەلەۋدەگى ورنى, ەلوردالىق مادەنيەت باسقارماسىن باسقارعان جىلدارىنداعى قالا مادەنيەتىنىڭ دامۋىنا ولشەۋسىز ۇلەس قوسقانى باسا ايتىلدى.
كىتاپ اۆتوردىڭ عىلىمي-زەرتتەۋ جۇمىسى رەتىندە جازىلدى. پروفەسسور ون جىلدان استام ۋاقىتتا قازاق ونەرىنىڭ ماسەلەلەرىن زەرتتەپ, تەرەڭ تالداۋ جاساعان. 6 تاراۋدان تۇراتىن ەڭبەككە 276 دەرەككوز پايدالانىلدى.
سونداي-اق ءىس-شاراعا بەلگىلى تاريحشىلار, عالىمدار, سۋرەتشىلەر قاتىسىپ, تانىستىرىلىم بارىسىندا پروفەسسور تىلەۋعالي قىشقاشباي ەڭبەگىنىڭ ءمان-ماڭىزى مەن وسكەلەڭ ۇرپاققا, اسىرەسە مادەنيەتتانۋعا قىزىققان ستۋدەنت, ماگيسترانت, دوكتورانتتارعا بەرەر تاعىلىمدىق اسەرى تۋرالى ءار تاراپتان كوسىلە سويلەپ, اۆتورعا شىعارماشىلىق تابىس تىلەپ, قازاق ونەرىنە بەدەرى ايشىقتى, بەرەرى مول سۇبەلى تۋىندى قوسىلعانىمەن قۇتتىقتادى. 14 باسپا تاباققا سىيعان كىتاپتى قاتىسۋشىلار «ونەرناما» دەپ باعالادى.