№12 cايلاۋ وكرۋگى بويىنشا استانا قالالىق ءماسليحاتىنىڭ دەپۋتاتتىعىنا ۇمىتكەر ورازحانوۆ نۇرداۋلەت امانتايۇلىنىڭ سايلاۋالدى باعدارلاماسى.

قۇرمەتتى سايلاۋشىلار!
ەسىڭىزدە مە, سوڭعى وتكەن سايلاۋ ۋاقىتىنان باستاپ ءسىزدىڭ وكرۋگىڭىزدە كوپ ىستەر اتقا­رىل­دى ما؟ وزەكتى ماسەلەلەر شەشىلدى مە؟ وكرۋ­گى­ڭىزدەگى ماسەلەلەر بويىنشا بەرىلگەن ۋادەلەر ناقتى ورىندالدى ما؟ ارينە, مەن ورىن­دالمايتىن ۋادەلەر بەرۋدەن اۋلاقپىن, بىراق مەن وكرۋگىمىزدەگى تۇيتكىلدى ماسەلەلەردى شەشۋگە بارلىق كۇش-جىگەرىمدى جۇمسايمىن. مەنىڭ ويىمشا, وكرۋگىمىزدە كەلەسى ماسەلەلەر شەشىمىن تابۋى ءتيىس, ولار:
1. مەملەكەتتىك نىسانداعى بالاباقشالاردىڭ جەتكىلىك­سىزدىگى. بالالاردى مەكتەپالدى تاربيە­سى­مەن جانە وقىتۋمەن قامتۋ جونىندەگى 2010-2014 جىلدارعا ارنالعان «بالابان» باعدارلاماسىن ەلباسىنىڭ تاپسىرماسى بويىنشا ۇكىمەت جۇزەگە اسىرادى. بۇل باعدارلامانىڭ جۇزەگە اسۋىنا قوعامدىق باقىلاۋ ورناتۋ جانە ءبىزدىڭ وكرۋگىمىزدە بالاباقشالاردىڭ سالىنۋىنا ىقپال ەتۋ.
2. ەمحانالاردا حالىققا قىزمەت كورسەتۋدىڭ قول­ جەتىم­سىز­دىگى. قازاقستان رەسپۋبليكاسى دەنساۋ­لىق­ ساقتاۋ سالاسىن دامىتۋدىڭ 2011-2015 جىل­دار­عا ارنالعان «سالاۋاتتى قازاقستان» مەملە­كەت­تىك باعدارلاماسى حالىقتىڭ دەنساۋلىعىن ساقتاۋ جانە سانيتارلىق-ەپيدەميولوگيالىق سالاۋ­ات­­تىلىقتى قامتاماسىز ەتۋ ماسەلەلەرى بويىنشا ءوزارا ءىس-قيمىلدى كۇشەيتۋ ارقىلى سىرقات­تا­نۋ­شى­لىقتى تومەندەتۋ جانە حالىقتىڭ دەنساۋلىعىن ودان ءارى نىعايتۋدى; ەمحانالاردىڭ حالىققا قىزمەت كورسەتۋ ساپاسىن جاقسارتۋ, ەمحانا سالۋ, بىلىكتى دارىگەر ماماندارىن تارتۋ, ولاردىڭ بىلىكتىلىكتەرىن ارتتىرۋ كۋرستارىن ۇيىمداستىرۋ. سوعىس ارداگەرلەرى مەن ولارعا تەڭەستىرىلگەن تۇلعالارعا ۇيدە مەديتسينالىق كومەك كورسەتۋ, سونداي-اق, وسى ماقساتتا مامانداندىرىلعان سانيتارلىق اۆتوكولىك قىزمەتىن جۇزەگە اسىرۋ.
3. كوشەلەردەگى تاسجول, جارىقتاندىرۋ, ينفرا­قۇرىلىم ماسەلەسى. وكرۋگىمىزدەگى توزعان جول­دار­دى قازىرگى زامانعى جوعارى ساپالى تەحنولو­گيا­ بويىنشا قايتا جوندەۋ, جارىق شامدارى جوق كوشەلەردى جارىقپەن قامتاماسىز ەتۋ, ساياباقتار سالۋ, بالالاردىڭ ويىن الاڭدارىن كوبەيتۋ. اۋىز سۋدىڭ ساپاسىن جاقسارتۋ, ونى بارلىق تۇرعىندارعا تۇراقتى قولجەتىمدى ەتۋ. كوشەلەردى, اۋلالاردى قوقىستان, قىس مەزگىلىندە قاردان ۋاقىتىلى تازارتۋ. كوشەلەردە ارنايى بەلگىلەر مەن باعدارشامدار ورناتۋ, اۆتوتۇراق ورىندارىن كوبەيتۋ.
4. مەكتەپتەردىڭ جەتىسپەۋشىلىگى. مەكتەپتەردە وقۋشىلاردىڭ سانى شامادان تىس بولعاندىقتان, ءۇش اۋىسىمدى كەزەكپەن وقۋعا ءماجبۇر. سوندىقتان ءبىزدىڭ وكرۋگىمىزدە جاڭا مەكتەپ سالۋ ماسەلەسىن شەشۋ. مەكتەپتەردەگى مۇعالىمدەردىڭ بىلىكتىلىگىن كوتەرۋ. مەكتەپتەردە وقۋشىلاردى ساپالى تاماقپەن قامتاماسىز ەتۋ.
5. الەۋمەتتىك از قامتىلعان وتباسىلارعا, جەتىم بالا­لار مەن مۇگەدەكتەرگە الەۋمەتتىك قولداۋدىڭ ازدىعى. ازىق-تۇلىك باعاسى مەن تۇرمىس­تىق-كوممۋنالدىق قىزمەتتەرگە تاريفتەردىڭ قىم­بات­تاۋىنىڭ سەبەبىنەن وسى ساناتتاعى ازامات­تارعا تولەنەتىن وتەماقىلار ماردىمسىز. سون­دىق­تان بۇل ساناتتاعى ازاماتتارعا وسى باعىتتا الەۋ­مەتتىك جەڭىلدىكتەر قاراستىرۋ, مەكەن جايلىق الەۋمەتتىك (ازىق-تۇلىك) كومەك كورسەتۋ.
6. كوممۋنالدىق قىزمەتتەرگە تاريفتەردىڭ قىمبات­تى­لىعى جانە تۇرمىستىق-كوممۋنالدىق قىزمەت كورسەتەتىن ۇيىمدار قىزمەتىنىڭ اشىق­تىعى. تۇرمىستىق-كوممۋنالدىق قىزمەتتەر ءۇشىن تولەنەتىن تولەماقىلارى تۇرعىنداردىڭ يگىلىگى ءۇشىن ماقساتتى جۇمسالۋىن باقىلاۋ مەحانيزمدەرىن قالىپ­تاستىرۋ جانە الەۋمەتتىك از قامتىلعان وتبا­سى­لار­عا كوممۋنالدىق قىزمەتتەر ءۇشىن تولە­نەتىن تولەماقىلارعا جەڭىلدىكتەر قاراستىرۋ. كوممۋنال­دىق­ شارۋاشىلىقتاردىڭ تۇرعىندارعا كورسەتەتىن قىزمەت ساپاسىن جاقسارتۋ. قوعامدىق كولىكتەر قاتى­نا­سىن جيىلەتۋ, ايالدامالار ورناتۋ.
7. ازىق-تۇلىك پەن حالىق تۇتىناتىن باسقا دا تاۋار­لار باعامىنا مەملەكەتتىك باقىلاۋدىڭ جەتىس­پەۋ­شىلىگى. ازىق-تۇلىك پەن حالىقتىڭ باسقا دا تۇتىناتىن تاۋارلار باعاسىنىڭ قىمباتتاۋىنا سەبەپ بولاتىن ءوندىرۋشى مەن تۇتىنۋشى اراسىنداعى دەلدالدار. سوندىقتان ءوندىرۋشى كاسىپورىنداردىڭ ازىق-تۇلىك ونىمدەرىن تۇرعىندارعا تىكەلەي دەلدالسىز جەتكىزۋدىڭ جولدارىن قاراستىرۋ. ول ءۇشىن ءوندىرۋشى ونەركاسىپ ونىمدەرىن ءوز باعاسى بويىنشا وكرۋگ ايماعىندا جارمەڭكە ۇيىمداستىرۋ, ساۋدا نۇكتەلەرىن اشۋ.
8. وكرۋگتەگى قوعامدىق ءتارتىپ ماسەلەسى. قوعام­دىق­ ءتار­تىپتى كۇشەيتۋ, ۋچاسكەلىك ينسپەكتوردىڭ تۇرعىن­دار­مەن جۇمىس ىستەۋ ساپاسىن جاقسارتۋ, پاترۋل­دىك پوليتسيا قىزمەتتەرىن وسى اۋداندا تولىق قامتا­ما­سىز ەتۋ. كوشەلەردە ۆيدەوباقىلاۋ ورناتۋ.

قۇرمەتتى جەرلەستەر!
جوعارىدا ايتىلعان ماسەلەلەردى شەشۋ ارقىلى اۋدانىمىزدىڭ كەلبەتى تولىقتاي وزگەرەتىنىنە سەنىمدىمىن, سول سەبەپتەن سىزدەردەن ۇلكەن قولداۋ كۇتەمىن. وسى جولدا ايانباي ەڭبەك ەتۋگە ءازىرمىن. قازاقستاننىڭ كوممۋنيستىك حالىقتىق پارتياسىنىڭ ماعان كورسەتكەن قولداۋدىڭ جانە سىزدەردىڭ بىلدىرگەن سەنىمدەرىڭىزدىڭ ارقاسىندا بىرگە جەڭىسكە جەتەمىز! كۇندەلىكتى ومىردە جوعارىدا اتالعان ماسەلەلەردەن باسقا دا پروبلەمالار تۋىندايتىنى ءسوزسىز. سوندىق­تان بارلىعىمىز بىرگە جۇمىلىپ, بۇل ماسە­لە­لەر­دىڭ وڭاي شەشىمىن تابا الامىز! ءسىز جاقسى ءومىر سۇرۋگە لايىقسىز!

قىمباتتى سايلاۋشى!
قازان ايىنىڭ 27-ءسى كۇنى ءوز سايلاۋ ۋچاسكەڭىزگە كەلىپ, ازاماتتىق بورىشىڭىزدى وتەۋگە شاقىرامىن!

ماقالا اقىسى كانديداتقا رەسپۋبليكالىق بيۋدجەتتەن بولىنگەن قارجى ەسەبىنەن تولەندى