الكەي الەمى
ۇلتتىق مۋزەيدە عالىم, ارحەولوگ, شىعىستانۋشى, قازاقستان ۇلتتىق عىلىم اكادەمياسىنىڭ اكادەميگى الكەي مارعۇلاننىڭ تۋعانىنا 120 جىل تولۋىنا ارنالعان «الكەي الەمى» تاقىرىبىندا ءدارىس ءوتتى.
ءىس-شارا بارىسىندا ا.مارعۇلان اتىنداعى ارحەولوگيا ينستيتۋتىنىڭ عىلىمي قىزمەتكەرى اينارا بەيبىت عالىمنىڭ ارحەولوگيا سالاسىنداعى زەرتتەۋلەرى تۋرالى ايتسا, ۇلتتىق مۋزەيدىڭ «قازاقستان تاريحى» ءبولىمىنىڭ جەتەكشى عىلىمي قىزمەتكەرى, PhD ەرنۇر راحيموۆ ەتنوگرافيا سالاسىنداعى ەڭبەكتەرىنە, شوقانتانۋعا قوسقان ۇلەسىنە كەڭىنەن توقتالدى. سونداي-اق قاتىسۋشىلار ۇلتتىق مۋزەي قورىندا ساقتالعان ءا.مارعۇلان-نىڭ جەكە زاتتارى, قولجازبالارى مەن كىتاپتارى, تۇتىنعان زاتتارى قويىلعان كورمەمەن تانىستى. ءا.مارعۇلان اتىنداعى №40 مەكتەپ-ليتسەيى مەن ا.بايتۇرسىنۇلى اتىنداعى BINOM-SCHOOL مەكتەپ-ليتسەيى وقۋشىلارى عالىم تۋرالى ولەڭدەر مەن ەستەلىكتەر وقىپ, سۇراقتارعا جاۋاپ بەردى.