سارىارقا اۋدانىندا 850-دەن استام تۇرعىن ءۇي گازعا قوسىلدى. 2151 تۇرعىن ءۇي يەسى تەحنيكالىق شارتتاردى السا, 700 ۇيدە مونتاجدىق جۇمىستار جۇرگىزىلۋدە.
قازىرگى ۋاقىتتا گاز «كوكتال-1», «كوكتال-2» تۇرعىن الابىنا تولىقتاي, ال «اگروقالاشىق» تۇرعىن الابىنىڭ ءبىر بولىگىنە كەلىپ تۇر. قاراشا ايىنىڭ سوڭىنا دەيىن «اگروقالاشىق» تۇرعىن الابىنداعى گازعا قوسىلماعان قالعان 20 كوشە كوگىلدىر وتىنمەن قامتاماسىز ەتىلەتىن بولادى.
سارىارقا اۋدانى اكىمىنىڭ اپپاراتى تۇرعىنداردى گازعا قوسۋ بويىنشا ءتۇسىندىرۋ جۇمىستارىن جۇرگىزۋدە. تۇرعىن ۇيلەردى ارالاۋ بارىسىندا گازعا قوسىلۋ الگوريتمى, مەردىگەر ۇيىمدار تىزبەسى, الەۋمەتتىك جەڭىلدىكتەر, نەسيە جانە باسقا دا اقپاراتتار تۇرعىندارعا جەتكىزىلەدى. جەكە تۇرعىن ۇيلەردىڭ قۇجاتتارىن زاڭداستىرۋدى رەتتەۋ ءۇشىن اكىمدىك شتابى جۇمىس ىستەۋدە. ەكى اي ىشىندە 418 تۇرعىن گازعا قوسىلۋ بويىنشا ءتۇرلى ساۋالدارمەن شتابقا جۇگىندى.
قازىرگى ۋاقىتتا كوشەلەردىڭ
97 پايىزىنا گاز كەلىپ تۇرعانىمەن, گازدىڭ ءوشىپ قالۋى, قىسىمنىڭ تومەندىگى سياقتى ماسەلەلەر تۋىنداۋدا. ماماندار ەلورداعا گاز 1 مىڭ شاقىرىمنان استام جەردەن ۇلكەن قۇرىلىستىڭ ناتيجەسىندە تارتىلعانىن ەسكەرە وتىرىپ, مۇنداي اقاۋلاردىڭ بولۋى قالىپتى جاعداي ەكەنىن, گازداندىرۋ تولىقتاي اياقتالىپ, تۇرعىن-ۇيلەردىڭ بارلىعى گازعا قوسىلعاندا قىسىم تۇراقتالاتىنىن ەسكەرتەدى. كەز كەلگەن گاز جاڭادان تارتىلعان ايماقتاردا وسىنداي جاعدايلار العاشقى 2-3 جىلدا ورىن الادى ەكەن. ال سارىارقا اۋدانىنىڭ تۇرعىندارى گازدى 1 جىل پايدالانۋدا.
ورىن العان اقاۋلاردان كەيىن نۇر-سۇلتان قالاسىنىڭ اكىمدىگى بىرقاتار الدىن الۋ شارالارىن جاسادى. «قازترانسگاز ايماق» اق-نىڭ اپاتتىق قىزمەتى كۇشەيتىلۋدە, تۇرعىنداردىڭ ءوتىنىشىن جەدەل قابىلداۋ جانە اتقارۋ ءۇشىن ورتالىقتاندىرىلعان ديسپەتچەرلىك قىزمەتتى ىسكە قوسۋ سياقتى جۇمىستارى اتقارىلۋدا.
