سەنبى كۇنى استاناداعى «الاۋ» مۇز ايدىندى سارايى جاڭا ماۋسىمىن اشتى.
بۇل كۇندەرى «الاۋ» ايدىنى بۇكىل الەمگە تانىلعان نىسانداردىڭ ءبىرى بولىپ وتىر. بۇل ايدىندا بىرنەشە قۇرلىق چەمپيوناتتارى مەن الەم كۋبوگى جارىستارى ءوتتى. توعىز رەت ازيا جانە الەمدىك رەكوردتار ورناتىلدى.
مىنە, وسىنداي حالىقارالىق ستاديوندا قاراپايىم حالىق ءۇشىن دە قىزمەت كورسەتۋ ءداستۇرى قالىپتاسقان. وسى ورايدا «الاۋ» ءار اپتانىڭ جۇما كۇندەرى ساعات 19.00-دەن 22.00-گە دەيىن, سەنبى جانە جەكسەنبى كۇندەرى ساعات 10.00-دەن 22.00-گە دەيىن كەلەم دەۋشىلەرگە ەسىگىن ايقارا اشادى. كەلۋشىلەرگە ارنالعان جاڭا كەستە جاسالاتىن بولادى. مۇز ايدىندا سىرعاناۋدان باسقا دا سپورت تۇرلەرىمەن شۇعىلدانۋ قىزمەتتەرى كورسەتىلەتىن بولادى. ال, ەڭ باستىسى بۇرىنعى باعالار ءتاريفى ساقتالادى» دەپ حابارلادى «الاۋ» مۇز ايدىندى سارايدىڭ ءباسپاسوز قىزمەتى.
عالىم قوجابەكوۆ
