ەلوردادا 9 مامىر مەرەكەسىنە وراي وزگە ەلدەردىڭ اۋماعىندا سوعىسقان ارداگەرلەرگە ءبىر رەتتىك الەۋمەتتىك كومەك كولەمىن 20 اەك-تەن 35 اەك-كە كوبەيتۋ ۇسىنىلدى. كەشە نۇر-سۇلتان قالاسى قوعامدىق كەڭەسىنىڭ وتىرىسىندا مۇنى حابارلاعان قالالىق جۇمىسپەن قامتۋ جانە الەۋمەتتىك قورعاۋ باسقارماسى باسشىسىنىڭ ورىنباسارى يليا سكۋب بۇل ساناتقا كىمدەر جاتاتىنىن ءتۇسىندىردى.
ونىڭ ايتۋىنشا, بۇل الەۋمەتتىك كومەككە اۋعانستان سوعىسىنا بارعان, بۇرىنعى كەڭەس وداعىنىڭ ءىىم قۇرامىندا تاۋلى كاراباق, تاجىك-اۋعان شەكاراسىنداعى جانجالداردى توقتاتۋعا قاتىسقان ادامدار يە بولادى. سونداي-اق توتەنشە جاعداي سالدارىنان جالعىز باسپاناسىنان ايىرىلعاندارعا 400 اەك كولەمىندە الەۋمەتتىك كومەك بەرۋ ۇسىنىلىپ وتىر. ال وسىنداي كەزدە ادام قايعىلى قازاعا ۇشىراسا, ونىڭ وتباسىنا 150 اەك بەرىلمەك.
– سونىمەن قاتار باس بوستاندىعىنان ايىرۋ ورىندارىنان شىققاندارعا 15 اەك كولەمىندە الەۋمەتتىك كومەك ەنگىزۋ جوسپارلاندى. بىراق ادام بوساپ شىققاننان كەيىن 6 ايدان اسپاعان مەرزىم ىشىندە ءتيىستى ءوتىنىش ءتۇسىرۋى كەرەك. بۇل قولعا الىنعالى تۇرعان شارالار ازاماتتاردىڭ الەۋمەتتىك جاعدايىن جاقسارتادى. وسىلاردى ىسكە اسىرۋ ءۇشىن بيۋدجەتتىڭ قوسىمشا قاجەتتىلىگى 99,3 ميلليون تەڭگەنى قۇرايدى. بۇرىن 61 مىڭ تەڭگە كولەمىندە الەۋمەتتىك كومەك الاتىندارعا وسى كومەكتى 107 مىڭ تەڭگەگە جەتكىزبەكپىز. مۇنداي تاپسىرمانى ەڭبەك جانە حالىقتى الەۋمەتتىك قورعاۋ مينيسترلىگى بەردى. بۇل رەسپۋبليكادا بىرىڭعاي ستاندارتتى ەنگىزۋ, الەۋمەتتىك كومەك كولەمى بۇكىل وڭىردە بىردەي بولۋى ءۇشىن جاسالدى, – دەدى يليا سكۋب.
قوعامدىق كەڭەس مۇشەسى تولەگەن قۋانىشەۆ 1946 جىلى باس قولباسشى جارلىعىمەن «ەرەن ەڭبەگى ءۇشىن» مەدالىمەن ماراپاتتالعانداردى ۇلى وتان سوعىسى ارداگەرلەرى ساناتىنا قوسۋ جوسپارلانىپ وتىرعان جوق پا دەپ سۇرادى.
– سىرت ەلدەردەگى سوعىستارعا قاتىسقاندارعا الەۋمەتتىك كومەك تاعايىنداعالى جاتىرمىز. بىراق ءوز ۋاقىتىندا تىلدا جۇمىس ىستەپ, ەلگە ەڭبەك سىڭىرگەندەردى دە ەلەيتىن كەز كەلدى. مەن قازاقستان بويىنشا ءتيىستى تالداۋ جاسادىم, مۇنداي ادامدار باعالانباي قالدى. قازىر ولار سوعىس ارداگەرلەرى سياقتى ازايدى. ەڭ ۇلكەنى بۇگىندەرى 95 جاستا, ەڭ جاسى 90 جاستا بولۋى كەرەك. ولارعا دا الەۋمەتتىك كومەك كورسەتۋ كەرەك, – دەدى تولەگەن قۋانىشەۆ.
يليا سكۋبتىڭ سوزىنشە, 2020 جىلى «ارداگەرلەر تۋرالى» زاڭ قابىلداندى. وسى جيىندا ايتىلعان ساناتتار سول زاڭدا كورسەتىلگەن.
– ءسىزدىڭ ۇسىنىسىڭىزدى ەڭبەك جانە حالىقتى الەۋمەتتىك قورعاۋ مينيسترلىگى قاراۋى كەرەك. سەبەبى بۇل جۇزەگە اسا قالعان جاعدايدا بۇكىل ەلگە ءجۇرۋى كەرەك. ءبىز وسى ماسەلەنى قاراستىرمادىق. بىراق مينيسترلىككە جەتكىزە الامىز, – دەدى يليا سكۋب.
قوعامدىق كەڭەس توراعاسى زۇلپىحار عايىپوۆ بۇل قولدايتىن ماسەلە ەكەنىن, مۇنى قالالىق ءماسليحاتتىڭ ءVى شاقىرىلىمىندا دەپۋتات ەرلان سىدىقوۆ تا كوتەرگەنىن ايتا كەلە, قازىر دە وزەكتىلىگىن جويماعانىن, تاعى دا قوزعاۋ كەرەكتىگىن اتاپ ءوتتى.
جيىندا جاڭا قۇرامداعى قالالىق قوعامدىق كەڭەستىڭ جۇمىسىن ۇيىمداستىرۋ بويىنشا بىرقاتار ماسەلەلەر دە تالقىلاندى.
