«استانا» كونتسەرت زالىندا قازاقستان رەسپۋبليكاسى تاۋەلسىزدىگىنىڭ 25 جىلدىعىنا ارنالعان «ءانىم سەنسىڭ, تۋعان ەل!» كونتسەرتى ءوتتى. ەلوردالىق مەملەكەتتىك اكادەميالىق فيلارمونياسى ۇيىمداستىرعان كەشتە تۋعان ەل مەن جەر تۋرالى قازاق كومپوزيتورلارىنىڭ شىعارمالارى ورىندالدى.
كونتسەرت فيلارمونيانىڭ قازاق وركەسترى (كوركەمدىك جەتەكشىسى جانە باس ديريجەرى – قر ەڭبەك سىڭىرگەن قايراتكەرى ايتقالي جايىموۆ, ديريجەرى – قر مادەنيەت قايراتكەرى نۇرلان بەكەنوۆ) ورىنداۋىندا بەكبولات تىلەۋحان مەن ايتقالي جايىموۆتىڭ «تاريح تولقىنىندا» شىعارماسىمەن اشىلدى. ءارى قاراي دا وسى ونەر ۇجىمى سەرجان قاناپيانوۆتىڭ «دارحان دالا», مۇراتحان ەگىنباەۆتىڭ «تۋعان ەلىم – تۋعان جەر», سەكەن تۇرىسبەكتىڭ «ۇلى دالا», نۇرلان بەكەنوۆتىڭ «شاتتان, ەلىم» سىندى تۋىندىلارىن كورەرمەنگە تارتۋ ەتتى. كەنجەبەك كۇمىسبەكوۆتىڭ «دوس جايلاۋى سۋسامىر» شىعارماسى كەشتىڭ مازمۇنىن بايىتتى. وسى اۆتوردىڭ «ارمان» ءانىن جەكسەن نۇرجاۋوۆ شالقىتتى.
سونداي-اق, زۋلفيا بايمىرزاەۆا عاريفوللا قۇرمانعاليەۆتىڭ «سالەم ساعان, تۋعان ەل», نۇربول بالاپانوۆ تەمىرجان بازارباەۆتىڭ «اۋىلىم» اندەرىمەن جينالعان حالىقتىڭ قۇلاق قۇرىشىن قاندىردى. نۇراي تاناباەۆ, دانيار مۇقان جانە جالعاس سۇلتان نۇرعيسا تىلەنديەۆتىڭ «الاتاۋ», قياقباي اسانباەۆ «ءوز ەلىم» شىعارمالارىمەن كورەرمەننىڭ كوڭىلىن اسپانداتتى. جانات شىبىقباەۆ كامەرالىق حورمەن بىرگە نۇراعانىڭ «تۋعان جەر» تۋىندىسىن جاڭعىرتتى. سونىمەن قاتار, بۇل ءانشى سلامقوجا قاراقىستاقتىڭ «قازاقستان» شىعارماسىن ورىندادى.
ءابىلاحات ەسپاەۆتىڭ «تۋعان ەل» شىعارماسىن پەريزات تۇراروۆا شىرقادى. وسى اتتاس, بارشامىزعا تانىس تۋىندى كومپوزيتور ومىربەك بايدىلداەۆتا دا بار. بۇل ءاندى ديحان يلياشەۆ ورىنداۋىندا ەستىدىك. قازاق اندەرىنە جازىلعان ارمان جايىمنىڭ «فانتازيا» شىعارماسى كورەرمەننىڭ قيالىن شارىقتاتتى.
بيبىگۇل جانۇزاق پەن نۇربول بالاپانوۆتىڭ دۋەتى ەرمۇرات ۇسەنوۆتىڭ «استانا» انىمەن كەشتىڭ ءارىن كىرگىزدى. سەكەن سىزدىق كەنتاۋ نازاربەكتىڭ «تۋعان جەر» تۋىندىسىن سالدى.
قاسيەتتى مەرەكەمىز – تاۋەلسىزدىك كۇنىنە ارنالعان كونتسەرتتەن كورەرمەننىڭ كوڭىلى كوتەرىلىپ قايتتى.
امانعالي قالجانوۆ
