بۇل سۋرەت 1974 جىلدىڭ 21 تامىزى كۇنى كارل ماركس (قازىرگى كەنەسارى) كوشەسىندە تۇسىرىلگەن. سۋرەتتە – ۇلتتىق جانە حالىقارالىق فەستيۆالدەردىڭ لاۋرەاتى, ەسترادا, وپەرا جانە رومانس جانرىندا بىرنەشە الەم حالقى تىلىندە ءان شىرقايتىن, بۇقاراعا كەڭىنەن تانىمال كەڭەس جانە پولياك ءانشىسى اننا گەرمان.
قالا تۇرعىندارىنا كونتسەرت بەرۋگە «تىڭ يگەرۋشىلەر سارايىنا» كەلە جاتقان ءانشىنى «كافە تسەليننيكوۆ» مەيرامحاناسى جانىندا ايماققا ايگىلى ءفوتوتىلشى نۇرمۇحامات يماموۆ شىرت ەتىپ ءتۇسىرىپ العان.
كەيىن وسى قالادا تۇراتىن جۋرناليست اعاسى ارتۋر گەرمانعا حات جازعان ءانشى: «تسەلينوگراد – بولاشاعى زور قالا. ماعان قاتتى ۇنادى» دەپ پىكىر ءبىلدىرىپتى. ايتسا ايتقانداي, شيرەك عاسىردان كەيىن ەسىلدىڭ جاعاسىنداعى شاھار قازاقستاننىڭ باس قالاسىنا اينالدى. ال ول سۋرەتكە تۇسكەن كوشە – قالاداعى كورىكتى دە ۇلكەن كوشەلەردىڭ ءبىرى.
