اپتا اقجولتايى
جاڭا ەمحانا اشىلادى
استانادا 750 ادامعا لايىقتالعان جاڭا ەمحانا پايدالانۋعا بەرىلەدى.
حالىققا ساپالى مەديتسينالىق قىزمەت كورسەتۋ ماقساتىندا قولعا الىنعان الەۋمەتتىك نىسان قاراشا ايىنىڭ سوڭىندا جۇمىسىن باستايدى. سارىارقا اۋدانىندا ورنالاسقان مەكەمە تۇرعىندارعا قازىرگى زامانعا ساي مەديتسينالىق كومەك كورسەتەتىن بولادى.
اپتا جاڭالىعى
ەكى مىڭ تەڭگە ەسكىردى
ۇلتتىق بانك ەكى مىڭ تەڭگەلىك ەسكى اقشالاردى ەكى جىلدان كەيىن جارامسىز دەپ تانىماق.
سوندىقتان 2006 جانە 2012 جىلدارى شىعارىلعان ەكى مىڭ تەڭگەلىكتەر 2015 جىلدىڭ 28 ناۋرىزىنا دەيىن جاڭاسىنا تۇگەل اۋىستىرىلۋى ءتيىس. ال, ەكىنشى دەڭگەيلى بانكتەر الداعى ەكى جىلدا بانكومات ارقىلى جاڭا اقشالاردى اينالىمعا شىعارادى.
اپتا انىعى
پاتەرى «پالەگە» قالدىردى
استانادا جەزوكشەلەرگە پاتەرىن جالعا بەرىپ كەلگەن ازاماتتىڭ ۇستىنەن ءىس قوزعالدى.
قۇقىق قورعاۋ قىزمەتكەرلەرىنىڭ ايتۋىنشا, بۇدان بىلاي «تۇنگى كوبەلەكتەرگە» باسپاناسىن جالعا بەرگەندەر جاپپاي جازالانباق. ءوز باسپاناسىن جەڭىل ءجۇرىستى قىزداردىڭ جىن ويناعى ءۇشىن بەرگەن ەلوردالىق تۇرعىنعا 411 مىڭ تەڭگە ايىپپۇل سالىنىپ, جارتى جىلعا دەيىن كاسىپپەن اينالىسۋىنا تىيىم سالىندى. جالپى, ەلوردالىق پوليتسەيلەر پاتەرىن جەزوكشەلەرگە بەرگەن ءدال وسىنداي 12 دەرەكتى انىقتاپ وتىر.
اپتا وقيعاسى
زاڭسىز قۇرىلىسقا جول جوق
استانالىق سوت ورىنداۋشىلار زاڭسىز باسىپ الىنعان جەرلەرگە سالىنعان عيماراتتاردى بۇزۋدا.
ولاردىڭ دەنى – ساۋدا ورىندارى. استانا قالاسى بويىنشا زاڭسىز سالىنعان قۇرىلىستاردى بۇزۋ تۋرالى 61 سوت اكتىسى شىققان. «بۇگىندە ونىڭ 21-ءى تولىعىمەن ورىندالدى. الداعى ۋاقىتتا زاڭسىز سالىنعان تۇرعىن ۇيلەردى دە بۇزۋ باستالادى. ول تۋرالى سوت اكتىسى شىققاننان كەيىن حابارلايمىز» دەيدى استانا قالاسى سوت اكتىلەرىن ورىنداۋ دەپارتامەنتىنىڭ ءباسپاسوز حاتشىسى ارمان قادىربەكوۆ.
اپتا «كەرەكتەرى»
نارمۇحان سارىباەۆ, «اۋىل شارۋاشىلىعىن قارجىلاي قولداۋ قورى» اق باسقارما توراعاسى:
«اۋىلدىقتاردىڭ تۇرعىن ءۇي جاعدايى ابدەن ەسكىرگەن. تۇرعىزىلعانىنا وتىز, جيىرما جىلدان اسقان ۇيلەر كوپ. وسى ماسەلەگە قاتىستى ءوز ۇسىنىسىمىزدى ازىرلەپ جاتىرمىز. باسپانا بولعاندىقتان, ۇزاق مەرزىمدى نەسيە كوزدەرى كەرەك. تابىسى تومەن تۇرعىندار ءۇشىن ونىڭ پايىزى دا تومەن بولۋ قاجەت».
كامال بۇرحانوۆ,ءماجىلىس دەپۋتاتى:
«بالكىم, زىمىرانداردىڭ جانار-جاعار مايلارىن ادامزاتقا زياندى ەمەس تۇرلەرىمەن الماستىرۋ جونىندە رەسەيگە تالاپ قويۋ كەرەكبولار. ءتىپتى, مۇلدەم «پروتون» سىندىزىمىرانداردىتوقتاتۋكەرەكبولار. ويتكەنى,ەلدىڭاماندىعىنبىرىنشىورىنعاقويۋىمىزكەرەك».
گۇلميرا ايماعانبەت
