اپتا باستالعاننان بەرى ەلورداداعى ازىق-تۇلىك باعاسىندا ەپتەگەن وزگەرىستەر بايقالادى. اسىرەسە, 12 تامىزبەن سالىستىرعاندا 15 تامىزدا ءبىرىنشى سۇرىپتى بيداي ۇنىنان پىسىرىلگەن نان (كەلىسى) 133 تەڭگەدەن 136-عا, ءبىرىنشى سۇرىپتى بيداي ۇنى 144 تەڭگەدەن 152-گە كوتەرىلگەن. ال قۇمشەكەردىڭ باعاسى تۇراقتى, ول 220-305 تەڭگەدەن ساۋدالانۋدا.
تۇرعىندار كوپ تۇتىناتىن ماكارون ونىمدەرىنىڭ باعاسى 174-200 تەڭگە ارالىعىندا بولسا, اق مارجاننىڭ قۇنى(كۇرىش) وڭدەلگەن ءتۇرى 240-305 تەڭگەنى قۇرايدى. ەتتىڭ باعاسى دا قالىپتى. ماسەلەن, سيىر ەتى 1 200-1 348 تەڭگە اراسىندا بولسا, قوي ەتىنىڭ قۇنى 1 190-1 400 تەڭگە شاماسىندا. تاۋىق ەتى دە 600-670 تەڭگە ارالىعىندا ساتىلۋدا.
جۇرتشىلىق مايلىلىعى 2,5 پايىزدى قۇرايتىن پاستەرلەنگەن ءسۇتتىڭ – 191-195 تەڭگەگە, ايراندى 205-225 تەڭگەگە ساتىپ الادى. وسىمدىك مايىنىڭ 1 ءليترى 380-450 تەڭگە تۇرادى.
اسىرەسە, جاز ورتاسىنان اۋا جەمىس-جيدەكتىڭ باعاسى اجەپتاۋىر تومەندەيتىنى انىق. قاھارلى قىستا قۇنى اسپانداپ تۇراتىن كارتوپتىڭ باعاسى 68-135 تەڭگە بولسا, قىرىققاباتتىڭ قۇنى – 80-90, پياز – 68-109, قىزىلشا – 90-132 جانە ءسابىز 70-120 تەڭگە ارالىعىندا ساۋداعا تۇسۋدە. كەشە «شاپاعات» كوممۋنالدىق بازارىندا قىزاناقتىڭ باعاسى 201 تەڭگەگە ەپتەپ كوتەرىلگەن.
ايتا كەتەرلىگى, استاناداعى ءىرى ساۋدا ورتالىقتارىندا اس اتاسى سانالاتىن ۇن ونىمدەرى ءتۇرلى باعانى كورسەتەدى. مىسالى, «رامستور» – 184, «SmaII» – 133, «انۆار» – 131, «5 مينۋت» – 192, «استىقجان» – 167, «ورتالىق بازاردا» 150 تەڭگەدەن ساۋدالانسا, تەك قانا «شاپاعات» بازارىنان عانا 97 تەڭگەگە الۋعا بولادى. قىسقاسى, وسى اپتاداعى ەلورداداعى ازىق-تۇلىكتىڭ باعاسى قالىپتى دەۋگە بولادى.
ازامات ەسەنجول
