«اق جايىق» ادەبي-كوركەم قوعامدىق-ساياسي جۋرنالىنىڭ بيىلعى ءبىرىنشى سانى وقىرمانعا جول تارتتى. تارالىمى – 7000 دانا.
«اق جايىقتىڭ» جاڭا سانى «پروزا», «پوەزيا», «تانىم», «تاريح تولقىنىندا» سىندى ايدارلاردان تۇرادى. ايدارلار اياسىندا باقىتگۇل باباش پرەزيدەنت نۇرسۇلتان نازارباەۆتىڭ اتىراۋ وڭىرىنە جۋىرداعى ساپارىن باياندايدى. جۇسىپبەك قورعاسبەكتىڭ «كوبەلەك» اتتى ميكرورومانى, الىبەك اسقاروۆتىڭ «بوياماسىز باياندار» شىعارماسى, بولات جەتەكبايدىڭ, عالىم جايلىبايدىڭ, ساادات نۇرمانوۆتىڭ ولەڭدەرى جاريالانعان. ماحامبەت وتەمىسۇلىنىڭ 210 جىلدىعىنا وراي امانگەلدى شامعونوۆ باتىردىڭ تۋعان جىلى مەن تۋعان جەرى تۋرالى زەرتتەۋىن ۇسىنادى.
بايبوتا قوشىم-نوعايدىڭ «الاش الاش بولعاندا, الاشا حان بولعاندا», باۋىرجان وماروۆتىڭ «مۇرات موڭكەۇلى شىعارماشىلىعى جانە ۇلت تاعدىرى» اتتى تاريحي جازبالارى تالاي سىرعا قانىقتىرا تۇسەدى. قوس قالامگەر – ماقسات ءتاج-مۇرات پەن انەس سارايدىڭ سۇحباتى ورەلى وقىرماننىڭ تانىمىن ارتتىرىپ, وتكەنگە ءبىر ساپارلاتارى تاعى ءسوزسىز.
جۋرنالدى پاراقتاي وتىرىپ, يليا جاقانوۆتىڭ تاڭىربەرگەن مولداباي جايىندا, تابىل قۇلياستىڭ تانا باتىر جايىندا سىر تولعاعانىن وقيمىز.
