قانات توكەسباي, استانا قالاسى مادەنيەت باسقارماسى باستىعىنىڭ ورىنباسارى:
– الداعى مەرەكە كۇندەرى ەلوردا تۇرعىندارى مەن قوناقتارى ءۇشىن قانداي ءىس-شارالار جوسپارلانعان؟
– وتان قورعاۋشىلار كۇنى جانە جەڭىس كۇنى مەرەكەلەرى اياسىندا قالامىزدا 70-تەن استام مەرەكەلىك ءىس-شارالار وتەدى. ونىڭ ىشىندە كورمەلەر, تەاترلاندىرىلعان قويىلىمدار, كونتسەرتتەر, اسكەري-پاتريوتتىق فورۋمدار, ءتۇرلى اكتسيالار قاراستىرىلعان. اتاپ ايتساق, 7 مامىر كۇنى قالالىق اكىمدىك الدىنداعى الاڭدا سوعىس ارداگەرلەرىنىڭ قاتىسۋىمەن مەرەكەلىك ءىس-شارا وتەدى. شاراعا استانا قالاسىنىڭ شىعارماشىلىق ۇجىمدارى قاتىسادى. 8 مامىر كۇنى قالالىق زيراتتا 1941-1945 جىلعى ۇلى وتان سوعىسىندا جاراقاتتان قايتىس بولعان جاۋىنگەرلەردىڭ باسىنا گۇل شوقتارىن قويۋ ءراسىمى ۇيىمداستىرىلادى. ءدال وسى كۇنى بەيبىتشىلىك جانە كەلىسىم سارايىندا ساعات 15.00-دە جەڭىس كۇنى مەرەكەسىنە ارنالعان كونتسەرت بولادى. ال, ءدال مەرەكە كۇنى جىلداعى ءداستۇر بويىنشا «وتان قورعاۋشىلار» مونۋمەنتىنە گۇل قويىلادى. وعان ۇوس ارداگەرلەرى, قالا تۇرعىندارى قاتىسادى.
ستۋدەنتتىك ساياباقتا مەرەكەلىك ساتىلىمدار, اسكەري تەحنيكالار كورمەسى وتكىزىلەدى. ال, ساحنالاردا ەلوردانىڭ شىعارماشىلىق ۇجىمدارى قالا تۇرعىندارى مەن قوناقتارىنا تەاترلاندىرىلعان قويىلىمدار مەن اسكەري اندەردەن كونتسەرت بەرەدى.
سونىمەن قاتار, 7-9 مامىر كۇندەرى ەسىل وزەنىنىڭ جاعاسىندا مەرەكەلىك وت شاشۋ بولادى.
– ەلوردا تۇرعىندارى مەرەكەدە كىمدەردى كورىپ, تاماشالاي الادى؟
– «استانا» ەسترادالىق-سيمفونيا وركەسترى, «تەررا» بي تەاترى, مەملەكەتتىك فيلارمونيانىڭ كامەرالىق حورى, قر حالىق ءارتىسى روزا رىمباەۆا, ەڭبەك سىڭىرگەن قايراتكەرلەر ءجاميلا سەركەباەۆا, ايگۇل نيازوۆا, جان تاپين, «ILCanto» كۆارتەتى, «LaScala» تريوسى, ت.ب شىعارماشىلىق ۇجىمدار ونەر كورسەتەدى.
