جۋرناليستەردىڭ كاسىبي مەرەكەسى جانە استانانىڭ 20 جىلدىق مەرەيتويى قارساڭىندا «استانا اقشامى» رەسپۋبليكالىق قوعامدىق-ساياسي گازەتىنىڭ ۇجىمى باس قالانىڭ الەۋمەتتىك-ەكونوميكالىق جانە مادەني-گۋمانيتارلىق دامۋىنداعى ماڭىزدى تاقىرىپتار مەن نەگىزگى ماسەلەلەردى جاريالاپ-كورسەتۋگە قوسقان ەرەكشە ۇلەسى ءۇشىن قازاقستان رەسپۋبليكاسى پرەزيدەنتىنىڭ بۇقارالىق اقپارات قۇرالدارى سالاسىنداعى العىسىنا يە بولدى.
سونىمەن قاتار وتاندىق تەلەۆيزيالىق جۋرناليستيكانى دامىتۋعا قوسقان ۇلەسى ءۇشىن «الماتى» تەلەارناسىنىڭ, ەلىمىزدىڭ وسكەلەڭ ۇرپاعىن تاربيەلەۋ ىسىنە جانە قازاقستاندىق ءپاتريوتيزمدى نىعايتۋعا قوسقان زور ۇلەسى ءۇشىن «بالدىرعان» رەسپۋبليكالىق بالالار جۋرنالىنىڭ, قازاقستانداعى وزبەكستان جىلىن جانە ءتۇرلى سالالارداعى قازاقستان-وزبەكستان ىنتىماقتاستىعىن دامىتۋ ماسەلەلەرىن جاريالاپ-كورسەتكەنى ۇشىن «وزبەكستاننىڭ ۇلتتىق تەلەراديوكومپانياسى» شىعارماشىلىق ۇجىمدارىنا دا قازاقستان رەسپۋبليكاسى پرەزيدەنتىنىڭ العىسى جاريالاندى.
سونداي-اق, بىرنەشە جۋرناليستكە قازاقستان رەسپۋبليكاسىنىڭ پرەزيدەنتى اتىنان سىيلىقتار مەن گرانتتار بەرىلدى.
ولاردىڭ قاتارىندا «Informburo.kz» ينتەرنەت-پورتالىنىڭ باس رەداكتورى ميحايل ۆيكتوروۆيچ دوروفەەۆ, «استانا» رەسپۋبليكالىق تەلەارناسىنىڭ باس ديرەكتورى ءلاززات مۇراتقىزى تانىسباي, «حابار» رەسپۋبليكالىق تەلەارناسىنىڭ ساراپتامالىق باعدارلامالار ءبولىمىنىڭ ءتىلشىسى ايگۇل ءادىلوۆا جانە «قازاقستان» ۇلتتىق تەلەارناسى اقپاراتتىق-ساراپتامالىق باعدارلامالار ديرەكتسياسى ديرەكتورىنىڭ ورىنباسارى مەيىرجان جيەنالى بار.
قۇتتىقتايمىز! ەڭبەكتەرىڭىز جەمىستى بولسىن.