مەملەكەت باسشىسى حالىققا ارناعان جولداۋىندا جاڭا ەكونوميكالىق ساياساتتىڭ وزەگى بەس جىلعا ارنالعان ينفراقۇرىلىمدىق دامۋ جوسپارى بولاتىنىن اتاپ ءوتتى.
نەگىزىنەن ءىرى قوعامدىق نىساندار, سونىڭ ىشىندە باستى كولىك توراپتارى وزگەرتىلەدى. سونداي-اق, ەلباسى استانا اۋەجايىنىڭ جاڭا تەرمينالى قۇرىلىسى مەن ۇشىپ-قونۋ جولدارىن قايتا قۇرۋعا 29 ملرد تەڭگە ءبولۋدى تاپسىردى.
پرەزيدەنتتىڭ ايتۋىنشا, بۇل 2017 جىلعا قاراي اۋەجايدىڭ جولاۋشىلاردى وتكىزۋ قۋاتتىلىعىن جىلىنا 7,1 جولاۋشىعا دەيىن ارتتىرادى.
استانا اۋەجايى ەۋرازيا قۇرلىعىنداعى زاماناۋي اۋەجايلاردىڭ ءبىرى بولىپ تابىلادى. اۋەجايدا تاۋلىك سايىن الىس جانە تاياۋ شەتەل ايماقتارىنا ۇشاتىن 80 شاقتى ۇشاققا قىزمەت كورسەتىلەدى.
بۇگىنگى تاڭدا استانا اۋەجايى اۋە كەمەلەرىنىڭ بارلىق ءتۇرىن شەكتەۋسىز قابىلداي الادى.
ەلوردالىق اۋەجايدىڭ دامۋى ياتا (اۋە كولىگىنىڭ حالىقارالىق اسسوتسياتسياسى) جانە يكاو (ازاماتتىق اۆياتسيانىڭ حالىقارالىق ۇيىمى) ستاندارتتارىنا سايكەس جۇرگىزىلەدى. جۇك جانە جولاۋشىلار تاسىمالدايتىن جاڭا اۆياكومپانيالارمەن قارىم-قاتىناس جاساۋ ءۇشىن قولايلى جاعدايلار جاسالۋدا.
