استانا قالالىق ىشكى ىستەر دەپارتامەنتىنىڭ ۇيىمداستىرۋىمەن باس قالادا 15 جانە 24 تامىز ارالىعىندا «بورىشكەر» دەپ اتالاتىن جەدەل الدىن الۋ شاراسى باستالدى.
استانا – نۇرا باعىتىنداعى تاس جولىندا ورنالاسقان جول پوليتسياسى بەكەتىندە اتالعان شارا اياسىندا ايىپپۇلى بار بىرقاتار كولىك جۇرگىزۋشىلەر انىقتالىپ, ولارعا حاتتاما تولتىرىلدى.
جالپى, ەلورداداعى پوليتسيالىق جول بەكەتتەرى بويىنشا قالاعا كىرگەندە نەمەسە شىققان جاعدايدا بوگەتتى جاۋىپ تۇراتىن داتچيك جۇمىس ىستەيدى.سول ارقىلى پوليتسيا قىزمەتكەرلەرى كولىك يەسىن تەكسەرىپ, ايىپپۇل بازاسىنان قارايدى. ەگەر, ونىڭ قارىزى بولسا, سول جەردە اۆتوكولىكتى ارناۋلى تۇراققا ورنالاستىرادى. ءبىز جوعارى ايتىلعان جول بەكەتىندە بولعاندا از ۋاقىت ىشىندە 4-5 كولىك يەسىنىڭ قارىزى بار ەكەندىگى انىقتالدى.
جىل باسىنان بەرى ەلوردالىق ىشكى ىستەر دەپارتامەنتىنىڭ قىزمەتكەرلەرى اۆتوكولىك جۇرگىزۋشىلەرىنە 1 ملرد 741 ملن تەڭگە كولەمىندە 222 431 اكىمشىلىك -قۇقىق بۇزۋشىلىق ءىس بويىنشا ايىپپۇل سالعان. ونىڭ 666 ملن 595 مىڭ تەڭگەسى قايتارىلعان. باس قالا بويىنشا 662 ملن ايىپپۇل تولەنبەگەندىكتەن جەكە سوت ورىنداۋشىلارىنا ماجبۇرلەپ تولەتۋ ءۇشىن 71,5 مىڭ قاۋلى جولدانعان.
– بۇگىنگى تاڭدا استانا بويىنشا 260 ملن تەڭگە كولەمىندە اكىمشىلىك ايىپپۇلداردى وندىردىك. 24 274 مىڭ قاۋلى ورىندالدى. ارينە, ءالى قارىزى بار كولىك جۇرگىزۋشىلەرمەن جۇمىس ىستەپ جاتىرمىز. كوبىنىڭ مەكەنجايى انىق ەمەس. سول ەپتەپ قيىندىق تۋعىزىپ وتىر. سونىمەن بىرگە, جۇرگىزۋشىنىڭ قارىزى بەلگىلەنگەن مولشەردەن اسسا, قالادا جۇرۋگە شەكتەۋ قويىلادى. وتكەن جىلعا قاراعاندا بيىل ايىپپۇلدى ءوندىرۋ كورسەتكىشى جوعارى, – دەيدى استانا قالالىق جەكە سوت ورىنداۋشىسى قايرات ازىرەتقۇلوۆ.
ازامات ەسەنجول
