جاڭالىقتار
استانادا جىل باسىنان بەرى 6640 ادام جۇمىسپەن قامتىلدى
جىل باسىنان بەرى استانا قالاسى اكىمدىگىنىڭ جۇمىسپەن قامتۋ ورتالىعىنىڭ كومەگىنە 8487 ادام جۇگىندى. ولاردىڭ 4233-ءى تۇراقتى جۇمىس ورىندارىنا ورنالاستىرىلسا, 1244 ادام قوعامدىق جۇمىستارعا جىبەرىلدى.
سونىمەن قاتار, 623 جۇمىسسىز كاسىپتىك وقىتۋدان ءوتىپ, 435 ءبىتىرۋشى تۇلەك جاستار پراكتيكاسىنا قاتىسىپ جاتىر. وسىعان قوسا, 105 ازامات الەۋمەتتىك جۇمىستارعا تارتىلدى.
وسىلايشا, جۇمىس ىزدەگەن 8487 ادامنىڭ 6640-ى, ياعني 78,3 پايىزى الەۋمەتتىك قورعاۋ شارالارىمەن قامتىلدى.
ايتا كەتەيىك, قولعا الىنعان شارالاردىن ناتيجەسىندە ايەلدەر جۇمىسسىزدىعى 1,6 پايىزعا (6,3 %-دان 4,7 %-عا ), ال جاستار اراسىنداعى جۇمىسسىزدىق 0,4 پايىزعا (5,6 % -دان 5,2 %-عا) تومەندەگەن.