بۇرناعى كۇنى ۇلى جەڭىس مەرەكەسىنە وراي حالىقارالىق استانا اۋەجايىندا سۇراپىل سوعىستى كوزىمەن كورگەن ارداگەرلەرگە ارنالعان تاعىلىمدى شارا ءوتتى. وعان تەك مايدانگەرلەر عانا ەمەس, اۆياتسيا مەن تىل ەڭبەككەرلەرى جانە اۋعان جاۋىنگەرلەرى دە قاتىستى.
الدىمەن جينالعان قاۋىم سوعىس دالاسىندا وققا ۇشىپ قازا بولعان جانە ەلگە ورالىپ, بەيبىت ومىرگە ارالاسىپ, وسى تورقالى تويعا جەتە الماعان مايدانگەرلەردى دە ءبىر مينۋت ۇنسىزدىكپەن ەسكە الدى. سودان سوڭ ارداگەرلەر مەن تىل ەڭبەككەرلەرىن استانا حالىقارالىق اۋەجايى باسقارما توراعاسىنىڭ ءبىرىنشى ورىنباسارى رادىلبەك ءاديمولدا قۇتتىقتاپ, ىزگى لەبىزىن ءبىلدىردى.
– ءبىزدىڭ ۇرپاق ءۇشىن ايتۋلى مەرەكەنىڭ الار ورنى ەرەك. بۇل – ەلدىك پەن ەرلىكتىڭ توعىسقان جەرى. سىزدەردىڭ بارلىقتارىڭىز دا باتىرسىزدار. وسى بەيبىت كۇن ءۇشىن جاۋعا كەۋدەلەرىڭىزدى توسەپ, كەلەشەك ۇرپاققا باقىتتى شاق سىيلادىڭىزدار. ەل باسىنا اۋىر كۇن تۋعان سول كەزەڭ ەشقاشان ۇمىتىلمايدى. سوندىقتان اتالار سالعان داڭقتى جول ماڭگى جاسايدى, – دەدى ول.
سودان كەيىن سىيلى قوناقتارعا داستارقان جايىلىپ, ولارعا اۋەجاي قىزمەتكەرلەرى مەن №24 ورتا مەكتەپتىڭ وقۋشىلارى مايدان اندەرىن شىرقاپ, قاريالاردىڭ كوڭىلىن كوركەم كۇيگە بولەدى. شارا سوڭىندا بارلىق ارداگەرلەرگە سىيلىق تابىس ەتىلدى.
ازامات ەسەنجول
