قازاق جەرi قانداي كەڭ!
مەن قازاقپىن, سوندىقتان سول بايتاق دالانىڭ ءبارi مەنiڭ جەرiم بولىپ كورiنەدi.
كەشە كەشكiسiن جەر جايىندا تاعى بiر توسىن ويعا ءتۇستiم. الىستاعى اۋىلىم ەسكە كەلدi. تiرشiلiكتiڭ قامىمەن اۋىلدان ۇزاپ كەتسەك تە, الاقانداي اۋىلدىڭ توپىراعى تارتپاي قويمايدى ەكەن. تامىرى ۇزiلمەيدi ەكەن.سول سەزiمدi كەشە باستان كەشتiم.
…استانادا بوكستان ءوتiپ جاتقان ازيانىڭ وليمپيادالىق iرiكتەۋ تۋرنيرiندە بiزدiڭ اۋىلدىڭ بiر بالاسى سىنعا ءتۇسiپ جاتىر.ەكi-ءۇش كۇن بولدى, باس قالاداعى جەرلەستەردiڭ ءبارi وسىندا ءجۇر. الاقانداي عانا «جالمانقۇلاق» اۋىلىنان وليمپيادا ويىندارىنا بiرەۋ قاتىسادى دەپ ويلاپپىز با؟!
وليمپيادا – سپورت الەمiنiڭ شىڭى.شىڭعا شىعۋ ادامزات بالاسىنىڭ مۇراتى.سول شىڭعا, سول مۇراتقا بiزدiڭ اۋىلدىڭ بالاسى دا جول سالاتىن بولدى.كەشە قازاقستان قۇراماسىنىڭ بوكسشىسى Iلياس سۇلەيمەنوۆ 52 كەلi سالماقتا قىتايدىڭ بىلعارى قولعاپ شەبەرiمەن جەكپە-جەككە شىعىپ, ايقىن باسىمدىقپەن جەڭiسكە جەتتi. بۇل لوندون وليمپياداسىنا جولداما بەرگەن اقجولتاي جەڭiس بولدى.
مەن قازاقپىن, كەڭ-بايتاق جەرiم, ەگەمەن ەلiم بار.ءار قازاقتىڭ جەڭiسiنە جانىم كۇيەتiن جۇرەگiم بار.سول جۇرەكتi الاقانداي اۋىلىما جەتەلەپ ەلجiرەتكەن كيiكتiڭ اسىعىنداي Iلياستاي ءۇمiتiم بار.
ەندi «جالمانقۇلاق» اۋىلىنان تۇلەپ ۇشقان تاستۇلەكتiڭ البيون ەلiندەگi ايقاستارىن كۇتەمiز…
عالىم قوجابەكوۆ
