اۆتوبۋستار جولى ۇزاردى
اقان سەرى كوشەسىنىڭ تۇرعىندارى مەن «ماقسات» جشس قىزمەتكەرلەرى قوعامدىق كولىكتىڭ قوسىمشا مارشرۋتتارىن ۇيىمداستىرۋ تۋرالى بىرنەشە رەت ءوتىنىش جاساۋىنا بايلانىستى استانا قالاسى جولاۋشىلار كولىگى جانە اۆتوموبيل جولدارى باسقارماسى №130 جانە №134 مارشرۋتتارىنىڭ جولىن ۇزارتۋ تۋرالى شەشىم قابىلدادى.
جاڭا جول كەستەسىنە سايكەس №130 مارشرۋتى «شارىن بازارىنان» باستاپ قاراساي باتىر كوشەسىندە ورنالاسقان «№ 36 مەكتەپ» ايالداماسىنا دەيىن وزگەرىسسىز جۇرەدى دە, ءارى قاراي بايسەيىتوۆا كوشەسى – فاحت بەن ابدۋل ازيز كوشەسى – اقان سەرى كوشەسى – المالىق كوشەسى – «تۇلپار» ات سپورتى كەشەنىنە دەيىن بارادى. كەرى قايتار جولىندا قاراساي باتىر كوشەسىنىڭ ورنىنا كونس-تيتۋتسيا كوشەسىمەن جۇرەدى. ال №134 مارشرۋت ەندى «لوكوموتيۆ قۇراستىرۋ زاۋىتى» ايالداماسىنان باستاپ يندۋستريالدى پاركتەگى «ماقسات» جشس-عا دەيىن جۇرەدى.